Bu ikki klub o'tgan mavsum umuman boshqa-boshqa darajada harakat qilishgan. "Lion" PSJ va "Lill"dan so'ng Liga 1da 3-o'rinni olgan bo'lsa, "Monako" quyi ligaga tushib ketish zonasidan 2 ochko ko'p to'plagan holda, arang jon saqlab qoldi.
MONAKO
"Monako" o'tgan mavsum mag'lubiyatlar girdobida qolib ketishdi. Qishki transfer oynasidan so'ng ham bu holat davom etaverdi. Ko'plab yaxshi darajadagi futbolchilar jamoaning g'alaba yo'lini ochish maqsadida qo'shilishdi, ammo muvaffaqiyatsizlikka uchrashdi. Klub Jardimning o'rniga Terri Anrini bosh murabbiy etib tayinladi, ammo 4 oy o'tar-o'tmas bu qaror noto'g'ri bo'lganini monegaskliklar rahbariyati tushunib etdi. Natijada, Leonardo Jardim jamoaga qaytdi. Bu qaror oz bo'lsa-da o'zini oqladi va "Monako" xavfli zonada bazo'r qutulib qoldi. Iqtidorli jamoa va murabbiy bir maqsad yo'lida birlashishlari kerak. Albatta ularda Franciya klublarining top-3 yoki beshtaligida bo'lish uchun katta salohiyat mavjud. Mavsum oldi ular Liga birga tayyorlanish uchun juda ko'p o'rtoqlik o'yinlari o'tkazishdi. Dastlabki 4 ta o'yindan uchtasida mag'lubiyat qayd etildi va har o'yinda kamida 1 ta gol o'tkazib yuborildi. SHunga qaramay, ularning so'nggi o'yinlarida bir muncha mudofaada kuchli harakat qilishdi ("Valensiya", "Portu", "Samdoriya" ustidan g'alaba).
06.07.19 Serkl Bryugge - Monako 1:4
07.07.19 Lokeren - Monako 5:0
13.07.19 Lozanna - Monako 2:1
19.07.19 Monako - Everton 0:1
20.07.19 Valensiya - Monako 0:1
25.07.19 Braga - Monako 0:0
Yozgi transfer oynasida "Monako" qilgan katta xarid bu Jelson Martinsh bo'ldi. U "Atletiko" safidan 35 mln evro evaziga kelib qo'shildi. Belgiyalik yarim himoyachi Yuri Tielamans esa "Lester" klubiga borib qo'shildi. Ertangi o'yinni Stevan Yovetich, Daniel Subashich va Uillem Gubbels singari futbolchilar jarohat bois tribunadan kuzatishadi.
LION
"Lion"da esa vaziyat boshqacha bo'ldi. Ular o'tgan mavsum ishonchili futbol namoyish etishdi va Liga 1 etakchilari orasida bo'lishlari lozimligini ko'rsatishdi. 21-turdan so'ng hech qaysi klub lionliklardan 3-o'rinni tortib ola bilmadi. UEFA CHempionlar ligasida ham kuchli xarakater ko'rsatishdi. Guruhda mag'lubiyatsiz seriya va faqat pley-off o'yinida "Kamp Nou" stadionida mag'lubiyat. Franciya kubogida esa finalga qadar etib borib, "Renn" klubiga imkoniyat boy berildi. Bruno Genesio bosh murabbiy siftida so'nggi 4 yil davomida "Lion" uchun ko'p foydali ishlar qildi. U 1985-1995 yillarda aynan shu klubda futbolchi sifatida to'p tepgan. Keyinchalik murabbiylik sohasida ham muvaffaqiyatli ishlashni ko'zlagan Bruno 2015-2019 yillarda "Lion" bilan yaxshi natija ko'rsata oldi (bir necha bor Liga 1 da sovrindor va Evropa ligasining 2016/2017 yilgi mavsumida yarim finalga qadar etib bordi).
Genesio "Beyjing Goan"ning bosh murabbiyi etib tayinlandi. "Lion" boshqaruv rulini esa "Barselona", "Arsenal" va "Manchester Siti" jamoalarining sobiq futbolchisi Silvino qo'lga oldi.
Emirates Cup Final musobqasida "Arsenal" ustidan qozonilgan g'alabani aytmasa, yangi ustozning qadamini qutlug' keldi deb aytib bo'lmaydi. CHunki, "Lion" qolgan barcha o'rtoqlik bahslarida kamida 2 ta gol o'tkazib mag'lubiyatga uchradi.
13.07.19 Lion - Servett 1:2
20.07.19 Lion - Jenoa 3:4
28.07.19 Arsenal - Lion 1:2
31.07.19 Liverpul - Lion 3:1
03.08.19 Bornmut - Lion 3:0
Yozgi transfer vaqtida Mariano Dias va Uillem Gubbelslar jamoani tark etishdi. Tanguy Ndombele va Mussa Dembele singari futbolchilar "Lion" safiga kelib qo'shildi.
Jamoalarning so'nggi 10 qarama-qarshiligi
Franciya chempionati 2019/2020 mavsumining dastlabki o'yini 9 avgust kuni Toshkent vaqti bilan 23:45da boshlanadi.
Franciya chempionati 2019/2020
1-tur, ilk o'yin
"Monako" - "Lion"
Lui II» (Monako) stadioni
Bosh hakam: Buke Ruddi (Amen)
Monaco Ligue 1 . 1-tur 09/08/2019, 23:45 Lyon Stadion: Stade Louis II, Monaco Bosh hakam: Ruddy Buquet
Bosh sahifaga
577