Qosimov: "Butun O'zbekiston ahlini Qurbon Hayiti bayrami bilan tabriklayman"

“Assalomu alaykum. Avvalambor, butun O'zbekiston ahlini, muxlislarni jamoamiz nomidan Qurbon Hayiti bayrami bilan tabriklayman. O'yinga keladigan bo'lsak, juda ham qiziqarli o'tdi. Stadiondagi muhit va maydon holati ham ajoyib darajada edi. Kurashlarga boy o'yinni ko'rdik. Qolaversa, omadimiz ham keldi. Birinchi bo'lim bo'lim boshida, yani, Kasyan birga-bir chiqib, gol urganida bahs boshqacha bo'lishi mumkin edi. Yigitlarimiz esa oxirigacha kurashishdi. Oldin ham hozir ham aytaman vodiyda «Navbahor»ga qarshi o'ynash juda ham qiyin kechadi. Sababi muxlislarning 12-o'yinchi bo'lib qo'llab-quvvatlashi futbolchini yugirishga majbur qiladi. So'nggi vaqtlarda «Navbahor»ga ozgina omad etishmayapti. O'ylaymanki, keyinchalik barchasi o'z joyiga qaytadi. Biz ham muxlislarga yoqadigan o'yin namoyish qilishni xohlamoqdamiz. Jamoamiz hali yangi va ular bir-birini tushinib ketishi uchun ozgina vaqt kerak. Bugungi natijadan qoniqdim, o'yinni esa kuchaytirishimiz kerak. Kanchelskis va  Jurjevichni hozir solishtirish haqidagi savol esa noo'rin deb bilaman. Murabbiy o'zgargani bilan futbolchilar o'sha o'sha. Yoshligimda «Paxtakor-79» o'yinlarining bazi lavhalarini ko'rganman. Yarim himoyadagi Mixail Anning harakatlarini aytib o'tgan bo'lardim. O'sha paytdagi jamoada yosh juda ham iqtidorli futbolchilar bo'lgan. Afsuski, o'sha fojia o'zbek futbolining ildiziga tasir qildi", deydi Qosimov.