"Paxtakor" transfer masalasi bo'yicha "Lokomotiv" va "Navbahor" klublarini ogohlantirdi

SHu munosabat bilan "Paxtakor" jamoasi Superligada ishtirok etayotgan bazi futbolchilarga qiziqish bildirmoqda.

Xususan "Lokomotiv" mudofaa chizig'i vakili Anzur Ismoilovning amaldagi jamoasi bilan shartnomasi yil yakunida nihoyasiga etishi munosabati bilan "Paxtakor" futbolchi bilan muzokaralarga kirishgan. Bu haqda esa klub "Loko"ni ogohlantirgan va rasmiy xat yuborgan. SHuningdek, "Navbahor"da o'ynayotgan rossiyalik futbolchilar, Igor Golban va Aleksandr Kasyan bo'yicha ham klub qiziqish bildirmoqda va futbolchilar bilan muzokaralarga kirishishdan oldin "Navbahor" klubiga ogohlantirish xati yuborgan.

Qayd etish kerakki, Golban va Kasyanning ham amaldagi shartnomasi hozirgi klubi bilan yil yakuniga qadar mo'ljallangan. 

Katta ehtimol "Paxtakor" klubi markaziy himoyachilar Golban yoki Ismoilov variantidan birini tanlashi mumkin. Kelasi mavsumda esa jamoani hozirgi serbiyalik himoyachisi, yil yakunida shartnomasi tugaydigan Marko Simich tark etish ehtimoli yuqori. "Paxtakor" esa mazkur futbolchining o'rniga zaxira izlash harakatida.

Eslatib o'tamiz, o'tgan yili "Navbahor"ga ogohlantirish xati yubormaganligi aytilgan va keyinchalik amalga oshirilgan transfer, yani Aziz Turg'unboev bo'yicha mashmashali jarayon tufayli "Paxtakor" shartnoma tuzgan futbolchisini yakunda qo'ldan chiqargandi. SHu boisdan ham endi klub futbolchi bilan muzokaralarga kirishishgan avval amaldagi jamoasini ogohlantirib qo'ymoqda.

Malumot o'rnida shuni aytish kerakki, futbolchi amaldagi jamoasi bilan tuzgan shartnomasi tugashiga 6 oydan kam muddat qolganda boshqa klub bilan muzokaralarga kirishishi va yangi jamoa bilan shartnoma imzolash huquqiga ega.