Rustam Umarov: “Bizga yuklatilgan vazifani alo darajada uddaladik deb o'ylayman”

Ushbu uchrashuv yakunlanganidan so'ng biz O'zbekiston terma jamoasi darvozabonidan intervyu oldik.

- G'alaba bilan tabriklayman. Bugungi o'yin haqida qanday fikr bildirasiz?
- Avvalambor barcha o'zbek futboli muxlislarini g'alaba bilan tabriklayman. O'yin haqida gapiradigan bo'lsam juda og'ir o'tdi. Qirg'iziston terma jamoasi uchun g'alaba suv va havodak zarur edi. Albatta biz uchun ham. Birinchi bo'limning so'nggi daqiqalarida gol urib olganimiz juda yaxshi bo'ldi. Biz ko'proq ularni pressingda ushlashga harakat qildik. Lekin ular bizning pressingimizdan chiqishga harakat qilishdi. Qaysidir manoda ular buni uddalashdi.

- O'tkazib yuborilgan golga munosabatingiz?
- Ochig'ini aytadigan bo'lsam ushbu golda barchaning aybi bor. Murabbiylarimiz markazni yopinglar deb aytishadi. Afsuski shu erda qo'pol xatoga yo'l qo'ydik. Keyingi bosqichga chiqqanimizdan xursandmiz

- Keyingi o'yin haqida qanday fikr bildirasiz?
- Keyingi o'yinni Livan terma jamoasiga qarshi o'tkazamiz. Ushbu o'yin biz uchun hech nimani hal qilmaydi. Biz o'zimizga yuklatilgan vazifani alo darajada uddaladik deb o'ylayman. 
 

Jahongir Sotvoldiev suhbatlashdi.