Ayni kunlarda Farg'ona viloyatida mazkur musobaqaning shahar va tuman bosqichlari yakunlanib, viloyat bosqich uchrashuvlari bo'lib o'tmoqda.
Bugun Qirgulidagi "Neftchi" SK maydonida musobaqa doirasida ikkita uchrashuv bo'lib o'tdi. Dastlab Farg'ona shahri jamoasi Quva tumani jamoasini 3:2 hisobida mag'lub etgan bo'lsa, ikkinchi uchrashuvda Marg'ilon shahri jamoasi Yozyovon tumani jamoasini 5:0 hisobida taslim etdi.
"Viloyatimizda "CHarm to'p-2019" musobaqasi yuqori saviyada tashkil etilmoqda" - deydi musobaqa ishtirokchisi Abdumalik Ismoilov.
"Mazkur musobaqa orqali ko'plab do'stlar orttirdik, futbol bo'yicha bilim va malakalarimizni yanada oshirdik. Umuman olganda bu musobaqa biz yoshlarga katta tajriba maktabi bo'lmoqda. Barcha tashkilotchilarga jamoamiz azolari nomidan minnatdorchilik bildiraman".
Eslatib o'tamiz, mazkur musobaqaning viloyat bosqichi final uchrashuvi 19 avgust sanasida Farg'ona davlat universiteti o'yingohida bo'lib o'tadi.
Bekzod Tolibov, Farg'onadan maxsus
Bosh sahifaga
1856