Artur Yunusov: "Zaldagi atmosferani so'z bilan tasvirlab berib bo'lmaydi"

"O'yin qiyin bo'ldi. Uchrashuv guruhda birinchi o'rinni olish olmasligimizni hal qilardi. CHunki, bungacha Saudiya Arabistoni va Livan terma jamoalari ham durang qayd etishgandi. Oldimizdagi vazifa esa, ushbu bahsda g'alaba qozonib birinchi o'rinni taminlab qo'yish edi. Qirg'izistonliklar ham agar yutqazib qo'yishsa qiyin vaziyatda qolishlarini tushunib turgandilar. SHu sababli, raqib ham o'yinga qattiq tayyorlandi. Asosiysi, 3 ochkoga erishdik va birinchi o'rin bilan guruhdan chiqdik.

Zaldagi atmosferani so'z bilan tasvirlab berib bo'lmaydi. Buning uchun o'sha erning o'zida, yani parketda bo'lish lozim. Muxlislarga buning uchun katta rahmat aytamiz. Umuman, bizni TV orqali qo'llab-quvvatlagan vatandoshlarimizga ham minnatdorchiligimizni bildirib o'taman.

Keyingi bosqich haqida gapirishga hali vaqt bor. Ungacha yana bitta o'yin o'tkazamiz. Hali chorak finalda kimga to'qnash kelishimiz aniq emas. O'yindan-o'yinga kuchayib borishimiz lozim. Ungacha hali vaqtimiz etarli", - deydi Artur Yunusov.