Ramos - Modrichning chetlatilishi haqida: "Agar shunday qarorlar futbolni himoya qilsa, buni qo'llab-quvvatlayman"

Ushbu kartochka bosh hakamning VAR tizimidagi hakamlar bilan maslahatlashgan holda ko'rsatildi.

"Futbolni har tomonlama himoya qilishyapti. Bugungi qaror biz uchun qarshi edi va biz o'yin davomida bir kishi kam bo'lib o'ynadik.

Modrich ataylab fol ishlatdi deya olmayman, shunchaki vaziyatga kech baho berdi. Hakam ham bu borada biroz shubxalandi. SHu boisdan u o'z yordamchilari bilan suhbatlashib, qaror chiqardi.

SHunday pallalarda VAR yordam berishi kerak. Agarda shu qarorlar futbolni himoya qilsa, buni qo'llab-quvvatlayman", - dedi Ramos.