Bugun "Andijon" o'z maydonida "Navbahor"ni qabul qiladi. Vodiy derbisi bo'lgani uchun ham bu o'yin ancha qiziq kechishi kutilyapti. Bilasiz, vodiyda jamoalar qaysi o'rinni egallab turganidan qatiy nazar o'zaro bahs olib borganda maydonda qattiq kurash kechadi. SHuningdek, muxlislar ham bor kuch-g'ayrat bilan o'z sevimli jamoalarini qo'llashga harakat qilishadi.
Bugun bo'lib o'tadigan "Andijon" - "Navbahor" bahsi oldidan har ikki jamoaning ashaddiy ishqibozlari bir joyga to'planib o'zaro do'stlik rishtalarini bog'lash to'g'risida kelishib olishdi. Bu taklif kimdan chiqqan bo'lsa ham juda yaxshi o'ylabdi deymiz. CHunki futbol paytida maydonda ikki jamoa kurashadi. Muxlislardan so'raladigani esa o'z jamoasini qo'llab-quvvatlash.
Raqib jamoani yoki muxlislarini haqorat qilish, mensimaslik yoki boshqa xunuk ishlar bizga yarashamaydi. Evropa tomonlarda ko'p ko'rganmiz, muxlislarning bir-biri bilan janjallashganini. U - Evropa, nima qilsa qilaversin. Bizning yo'rig'imiz boshqa. Bizda osiyoliklarga xos madaniyat va xotirjamlik bor.
Bugungi tadbirning asosiy tashabbuschilaridan biri "Andijon" fan klub etakchisi Nodirbek To'ychiev bo'ldi. Ikki jamoaning ashaddiy muxlislari bir erga to'planib o'yindan oldin o'zbekona choyxona tashkil qilindi. Ishqibozlar yaxshi kayfiyatda o'zaro suhbatlashib o'tirishdi. Birozdan so'ng, aniqrog'i 18:00da "Andijon" va "Navbahor" o'rtasida futbol uchrashuvi boshlanadi. O'ylaymizki, o'yin paytida ham muxlislar o'z xulqlari bilan bir-birlariga namuna bo'lishga harakat qilishadi.
Bosh sahifaga
284