"Atletiko" hujumchisi Nikola Kalinichning klub bilan tuzgan shartnomasi o'z kuchida, ammo klub ortiq unga ishonch bildirmayapti. SHu sababli, Kalinich barcha mavsumoldi o'yinlarini, shuningdek La Liga 1-tur doirasidagi o'yinni o'tkazib yubordi.
"Espanol" o'ziga markaziy hujumchi izlamoqda va Kalinich varianti klub uchun ideal ko'rinmoqda. Futbolchining "Atletiko" bilan tuzgan shartnomasi 2021 yilga qadar mo'ljallangan. Uning transfer narxi 10 million evroni tashkil etadi.
Eslatib o'tamiz, Madrid klubi oldinroq "Espanol" himoyachisi Mario Ermosoni o'z safiga qo'shib olgan edi.
Kalinich "Atletiko"dan tashqari "Xayduk", "Pula", "SHibenik", "Blekbern Rovers", "Dnepr", "Fiorentina" va "Milan" klublarida o'ynagan. U 2008 yildan buyon Xorvatiya terma jamoasi sharafini himoya qiladi.
Xorvatiyalik o'yinchi yakunlangan mavsum 24ta o'yinda maydonga tushib, 4ta gol va 1ta assistga erishgan.
Bosh sahifaga
449