Bruno Formonso Garsiya: "Omad biz tomonda bo'ldi"

"Bugungi o'yinda omad biz tomonda bo'ldi. Birinchi bo'limdan so'ng o'yinimiz yanada kuchaydi. SHogirdlarim ko'rsatmalarimini to'liq bajardi. Jamoam bugun haqli ravishda g'alaba qozondi deb o'ylayman, bundan xursandman. SHogirdlarimga pressingda o'ynashni aytgan edim. SHuningdek biz uchun o'yinni boshqarish muhim edi. Birinchi o'yindagi xatolarimizni takrorlamaslikka harakat qildik. CHunki Xitoy Taypeyi ilk bahsda xatolarimizdan foydalangan holda darvozamizni bir necha bora ishg'ol qildi. Uchrashuv davomida futbolchilarimiz bir birini o'rnini to'ldirib harakat  qilishdi.

O'tgan safargi bahs bilan taqqoslaydigan bo'lsak, bugungisida o'yinimiz boshqacha bo'ldi. Agar futbolchilarim ko'rsatmalarim bo'yicha harakat qilishsa istalgan raqibga qarshi o'yinda kerakli natijani qo'lga kirita olamiz. Aytib o'tganimdek omad biz tomonda bo'ldi" - deydi Bruno Formonso Garsiya.