Malumki, 7-tur uchrashuvlariga Olmaliq shahri mezbonlik qilmoqda. "Lokomotiv" futzal klubi 7-turni durang bilan boshladi. Futzalchilarimiz "Maksam-CHirchiq" bilan kechgan bahsda 4:4 hisobini qayd etishdi.
Ammo shundan keyin bo'lib o'tgan ikkita o'yinda g'alaba qo'lga kiritildi. Ahad Yusupov shogirdlari dastlab kecha musobaqaning ikkinchi kun o'yinida Qarshining "Nasaf" futzal klubi bilan bellashib, 8:3 hisobida zafar quchishdi. Bugun esa "Neftchi" bilan kechgan bahsda 5:2 hisobidagi g'alaba qo'lga kiritildi.
Kechagi o'yinda Sarvar SHoahmedovning dubli hamda Muzaffar Ahadjonov, Abbos Elmurodov, Artur Yunusov, Asomiddin Jaloliddinov, Ruslan Veklich, Murod Rajabov tomonidan kiritilgan gollar jamoamizga uch ochkoni keltirgan bo'lsa, bugungi bellashuvda Sarvar SHoahmedov 3ta to'p kiritdi. SHuningdek ikkita gol Jamoliddin SHaripov hisobiga yozildi.
SHunday qilib "Loko" futzalchilari 7-tur o'yinlarida 7 ochkoni qo'lga kiritishdi. Endi 8-turga tayyorgarlik boshlanadi.
Futzal. O'zbekiston XXIII milliy chempionati
7-tur. Birinchi kun. 19 avgust
"Lokomotiv" - "Maksam-CHirchiq" 4:4
7-tur. Ikkinchi kun. 20 avgust
"Lokomotiv" - "Nasaf" 8:3
7-tur. Uchinchi kun. 21 avgust
"Lokomotiv" - "Neftchi" 5:2
Bosh sahifaga
672