"Keksa sinora" ustozi Mauricio Sarri (o'pka yallig'lanishi) sog'lig'idagi muammaolar sabab ushbu uchrashuvda shogirdlarini maydonga boshlab tusha olmaydi.
"Halqaro tanaffusdan so'ng qaytadigan Mauricio Sarrining salomlarini sizga etkazyapman. Muhim o'zgarishlar bo'ldi, lekin hozir o'tish davri emas. "Yuventus" professionalizm, fidoiylik va qattiq mehnatlardan tashkil topgan. Bu yili ham g'alaba qozonishni istaymiz.
Fabio Paratichi (klub sport direktori) ajoyib transferlarni amalga oshirdi, yana imkoniyatlar yuzaga kelsa biz ulardan foydalanamiz. "Yuventus" tarixan yutish uchun qurilgan jamoa. Bu yil ham g'alaba qozonish uchun harakat qilamiz. Klubning har bir poziciyasida ikkitadan muhim futbolchilar bor va o'zimizni kuchli his qilyapmiz.
Sarri yaxshilanib bormoqda. U qattiq mehnat qiladi va uni har kuni maydonda bo'lishini xohlagan bo'lardik. Murabbiyning zaxira o'rindig'ida yo'qligi qiyinchiliklar olib kelishi mumkin, ammo o'tgan vaqt mobaynida shunga o'xshash vaziyatga tushganmiz.
Rabo meni hayratda qoldirmadi. Uni uzoq vaqt kuzatdik va jamoaning asosiy o'yinchilaridan biri bo'lishiga ishonaman. U jamoaga kelganiga ko'p bo'lmadi, shuning uchun biroz vaqt berishimiz kerak.
Iguain dunyodagi eng yaxshi straykerlardan biri. U Sarrini juda yaxshi biladi va ajoyib mavsumoldi tayyorgarlikka ega bo'ldi. U biz bilan ekanidan xursandmiz. Futbolchilarimiz orqali etarlicha ishonchga egamiz. Evropada eng kuchli jamoalardan birini yaratdik deb ishonaman", - deydi Nedved.
Ertaga 24 avgust kuni A Seriyaning dastlabki turida "Yuventus" "Parma" mehmoni bo'ladi. Bahs Toshkent vaqti bilan 21:00da boshlanadi.
 Parma Calcio 1913 | Serie A . 1-tur 24/08/2019, 21:00 - : - Boshlanmadi |  Juventus |
Stadion: Stadio Ennio Tardini
Bosh hakam: Fabio Maresca
Bosh sahifaga
345