Uchrashuvni har ikki jamoa vakillari vakillari faol boshladilar. Birinchi bo'limning 4-daqiqasidayoq “Istiqlol” jamoasi vakillari jarima to'pi tepish imkoniyatiga ega bo'ldilar. Anvar Hojimirzaev tomonidan yo'llangan jarima zarbasi “jonli devor”ga tegib qaytdi. SHundan so'ng “Neftchi” vakillari hujumkorlikni oshirishdi. Uchrashuvda tashabbusni qo'lga olish uchun astoydil kurash olib borgan “Neftchi”ning hujumlari samara keltirmadi. Aksincha 21-daqiqada Rustam Abduhamidovning qanotdan tashkil etgan tezkor hujumi natijasida “Neftchi” darvozasi ishg'ol etildi. Bu vaziyatdan qanotdan etkazib berilgan to'pni Anvar Hojimirzaev chaqqonlik bilan darvozaga yo'llab, uchrashuvda hisobni ochidi – 1:0 Birinchi bo'lim yakunlanib borayotgan pallada “Neftchi”ning yosh futbolchisi Jamshidbek To'raqulov “Istiqlol” darvozasi tomon chalqancha uslubda zarba berdi, biroq uning zarbasiga aniqlik etishmadi.
Birinchi bo'lim shu tariqa 1:0 hisobida yakuniga etdi.
Uchrashuvning ikkinchi bo'limi ham ko'plab vaziyatlarga boy bo'ldi. “Neftchi” vakillari raqiblari darvozasini ishg'ol etish uchun ketma-ket hujumlar tashkil etgan bo'lsalarda, qarshi hujumda “Istiqlol” vakillari tomonidan tashkil etilgan hujumlar xavfliroq ko'rinish hosil qildi.
Uchrashuv yakuniga qadar “Neftchi” jamoasi vakillari hisobni tenglashtirish uchun, astoydil harakat qilgan bo'lsalarda, ketma-ket hujumlar samarasiz yakunlandi.
SHu tariqa Farg'ona derbisi “Istiqlol” jamoasining 1:0 hisobidagi g'alabasi bilan yakunlandi.
A PRO-Liga.
16-tur
«Istiqlol» – «Neftchi» 1:0 (1:0)
Gol: Anvar Hojimirzaev 21, (1:0)
Hakamlar: Ibrohim Ismoilov, Ravil SHayaxmetov, Rishat Nigmanov, Javohir Xakimov.
Nazoratchi: Baxtiyor Namozov.
Komissar: Alisher Fayziev.
«Istiqlol»: 1. Rustam Nartadjiev, 3. Farruh Ibrohimov, 8. Sardor Sotvoldiev, 14. Rustam Abduhamidov, 17. Anvar Xojimirzaev, 21. Elyor Mamsoliev, 22. Sardor Telyakov, 23.Aybek Nurbaev , 70. Bobur Ergashev, 78.Umar Adhamzoda, 99. Temur Mamatmurodov
Zahira: 45. Nodir Ashurmatov, 4.Jasur Ermamatov, 5. Abduxoliq Qurbonov, 10. Elyor Akbarov, 18. SHoxrux Boyqo'ziev, 19. Fayzullo Jumanqo'ziev, 20. Ulug'bek Xudayberdiev, 44. Sergey Proxorov, 71. SHoxrux Mo'minqulov.
«Neftchi»: 35.SHerzod Abduraimov, 4. SHodiyor Xojimatov, 7. Islom Toshpo'latov, 15.Mirjamol Nematov, 28. Javohir Rasulov, 32. Nodirbek Yo'ldoshev, 70. Dostonbek Bobojonov,77. Islombek Karimov, 88. Jafar Ismoilov, 98. Jamshidbek To'raqulov, 99. Ibroxim No'monov
Zahira: 16. Xurshidbek Muxammadov, 21. Farruxbek Turdaliev, 2. Asilbek G'oyibjonov, 14. Abdujalil Manazarov, 19. Alisher Abduvohidov, 24. Ilxomjon Ibroximov, 26. Boburjon Isroilov, 27. Sardor Mirzashoev, 38. Ibodjon Abelfazov
Bekzod Tolibov tayyorladi.
Bosh sahifaga
363