Sovrin jamg'armasi 36 mln. dollar bo'lgan musobaqada 18ta kibersport klublari ishtirok etdi. Turnir "Mercedes-Benz Arena" nomli kibersport stadionida bo'lib o'tdi.
G'olib jamoa 15 mln. dollardan ko'proq mukofot puliga ega bo'ladi va bu mablag'ni 5 kishi yoki 6 kishi (murabbiy bilan) teng bo'lishib oladi. Kibersport olamidagi bu yilning eng yirik turnirida o'tgan mavsum ham jahon chempioni bo'lgan OG nomli Evropa klubi zafar quchdi. Ilk marotaba bitta klub ketma-ket ikki marta The International g'olibiga aylandi.
Turnir jadvalini quyidagicha ko'rinish oldi:
Malumotlarga ko'ra, ushbu turnirning yakuniy bahsi - grand finalni 2 mln. akkaunt orqali jonli efirda tomosha qilishgan.
The International musobaqasida O'zbekistonda tug'ilgan ikki kibersportchi - Akbar Bo'taev (Sonneiko - Na'Vi klubi) va Artur Babaev (Arteezy - Evil Geniuses)lar ishtirok etishdi. Akbar o'z jamoasi bilan 13-16 o'rinni, Artur esa 5-6 o'rinni egalladi. Bundan tashqari, ilk bora Dota 2 bo'yicha jahon chempionatida qirg'izistonlik kirebsportchilar qatnashishdi. Evgeniy Ri (Blizzy) va Bakit Emiljanov (Zayac) Na'Vi tarkibida MDH sharafini himoya qilishdi.
Ushbu musobaqada g'olib bo'lgan OG jamoasining 5 vakili kibersport tarixida eng ko'p daromad topgan o'yinchilarga aylanishdi.
Turnirning oxirgi kunida Dota 2 bo'yicha keyingi yil o'tadigan jahon chempionatiga SHveciya poytaxti Stokgolm mezbonlik qilishi elon qilindi.
Bosh sahifaga
1961