Ali Isa Said: “Pley–offda kim bilan to'qnash kelishimizning farqi yo'q”

- Suhbatimiz avvalida bundan oldingi Iordaniyaga qarshi o'yin haqida gapirsangiz.
- Bizning guruhimizda Iroq hamda Eron terma jamoalari favorit edi. Xitoy va Iordaniya esa guruhimiz autsayderi sifatida ishtirok etdi. Bundan oldingi ikkita o'yinlar biz uchun engil o'tdi. Qiyin uchrashuvimiz bugungi bahs bo'lishi tayin.

- Eron terma jamoasiga qarshi qanday tayyorgarlik ko'rdinglar?
- Eron terma jamoasi nafaqat guruhning balki musobaqaning favoriti hisoblanadi. Bitta mintaqadan bo'lsak ham Eron jamoasini yaxshi bilamiz. Tayyorgarligimiz bunday ikki oy oldin boshlangandi. Hozirgi kungacha tayyorgarlikni biroz bo'lsa ham susaytirganimiz yo'q.

- Bugungi o'yinda Eronga mag'lub bo'lsanglar pley–offda O'zbekistonga qarshi to'qnash kelasizlar. Ushbu terma jamoa haqida qanday fikr bildirasiz?
- Ushbu musobaqaga barcha terma jamoalar munosib tayyorgarlik ko'rishgan. Bizning guruhimizga qaraydigan bugunga o'yinda bo'lsak mag'lub bo'lgan jamoa keyingi bosqichda O'zbekiston terma jamoasiga qarshi to'qnash keladi. “A” guruhiga qaraydigan bo'lsak O'zbekiston, Qirg'iziston, Livan va Saudiya Arabistoni terma jamoalarini kuchini teng deb bilaman. Keyingi bosqichda kim bilan to'qnash kelishimizni ahamiyati yo'q.

-  Pley–off bosqichida O'zbekiston terma jamoasiga qarshi to'qnash kelishinglar mumkin. Ushbu terma jamoadan qo'rqmayapsizlarmi?
-  Men O'zbekiston futzal terma jamoasi o'yinini kuzatganim yo'q. Ushbu terma jamoani katta futbolda yaxshi bilaman ammo bu futzal. Futzalda imkoniyatlar ko'proq bo'ladi. Har bir o'yinda ushbu imkoniyatlardan unumli foydalana olsak uchrashuvda kerakli natijaga erishamiz.   

Jahongir Sotvoldiev suhbatlashdi.