Uning eshitish qobiliyati past - 80%. U deyarli eshitmaydi va gapirmaydi.
Peralta CHexiya va SHveycariyada o'tgan turnirlarda "Palmeyras" U-19 tarkibida yorqin o'yinlar ko'rsatib, Braziliya klubi vakillarini hayratda qoldirdi. Musobaqadan so'ng, klub unga professional shartnoma taklif qildi. Gustavo "Palmeyras" U-20 safida Braziliya yoshlar chempionatida o'ynaydi, ammo uni istalgan vaqtda birinchi jamoaga chaqirishlari mumkin.
Paragvaylik futzalchining o'g'li bo'lgan Peralta olti yoshidan beri futbol o'ynaydi. Gustavo bolaligida boshqa o'yinchilarni tushunish uchun imo-ishora va lablarni o'qishni o'rgangan.
Malumotlarga ko'ra, "Palmeyras" yarim himoyachi uchun nutq terapiyasini va u bilan birgalikda jamoaning boshqa o'yinchilari uchun imo-ishora darslarini tashkil etishni taminlaydi.
Peralta kuchli va tezkor yarim himoyachi bo'lib, butun diqqatini Krishtianu Ronalduga qaratadi va uni o'z kumiri deb ataydi.
Gustavo allaqachon "Palmeyras" yulduzlari bilan tanishib olishga ulgurdi. Suratning o'ng tomonida Kievning "Dinamo" jamoasida o'ynagan Dudu.
Yaqin orada Peralta o'zining "Palmeyras" safidagi debyutini o'tkazishi haqiqat emasdir, ammo biz baribir bu noyob futbolchini kuzatib boramiz.
Eslatib o'tamiz, hozirda “Palmeyras” klubini “Bunyodkor” klubi sobiq bosh murabbiyi Luis Felipe Skolari boshqarib bormoqda.
SHerzod Nurmatov tayyorladi
Bosh sahifaga
1983