Oldingi o'yinlarda hujumlar o'z yakuniga etmay, jamoamizning unchalik ham omadi kelmayotgandi. SHu bois, ushbu uchrashuvga puxta tayyorgarlik ko'rdik. “Navbahor” 22 avgust kuni O'zbekiston kubogi chorak finali doirasida “Nasaf”ga qarshi juda yaxshi o'yin o'tkazgandi. Ammo o'sha bahsda namanganliklar mag'lubiyatga loyiq bo'lmasa-da, imkoniyatni boy bergandi. O'sha uchrashuvda “Navbahor” futbolchilarining ko'p kuch sarflashganini bilardik.
SHu bois, mazkur o'yinning birinchi bo'limida ustunlik ko'proq shogirdlarim tarafida bo'ldi va adashmasam, yigitlar 7 marta burchak zarbasini amalga oshirishdi. SHuningdek, raqib darvozasi tomon ham zarbalar yo'llandi. Namanganliklar esa xuddi Andijondagi kabi ko'proq o'z darvozalarini daxlsiz saqlash borasida o'ylashdi.
Ikkinchi bo'limda mehmonlarda darvozani ishg'ol etish uchun ikkita yuz foizli imkoniyat yuzaga keldi. Ammo o'sha vaziyatda darvozabonimiz Aleksandr Lobanov ajoyib o'yin namoyish etib, to'pni qaytarishga muvaffaq bo'ldi.
SHuningdek, birinchi bo'limda yarim himoyachimiz Muzaffarjon Muzaffarovning jarima zarbasini mezbonlar darvozaboni O'tkir Yusupov o'z mahoratini namoyish etib, to'pni qaytarishga muvaffaq bo'lgandi. Lekin uning to'p kiritgan vaziyatda amalga oshirgan ikkinchi jarima zarbasini hech qaysi darvozabon qaytara olmasdi.
Bir so'z aytganda, ushbu bahsda omad bizga kulib boqdi. Bugungi g'alaba uchun barcha yigitlarga o'z minnatdorchiligimni bildiraman, deydi Andrey SHipilov.
Bosh sahifaga
667