"Dinamo" o'z maydonida "Buxoro"ni qabul qiladi. Mazkur qarama-qarshilik 17:00da start oladi. Bugun har ikki jamoa faqat g'alabani ko'zlab harakat qilsa kerak, chunki ikkinchi davra boshlanganidan beri "Dinamo" ham, "Buxoro" ham g'alaba nashidasini surgani yo'q.
Xususan "Dinamo" faqat mag'lubiyatga uchrab kelayotgan bo'lsa, "Buxoro" ikkita durang va ikkita mag'lubiyat qayd etdi. "Dinamo" aslida ketma-ket beshta o'yindan beri yutqazyapti. Bu jamoa birinchi davrada hartugul o'zini ko'rsata olgandi, ammo ikkinchi davrada hozircha mag'lubiyatlardan boshi chiqmay qoldi.
Samarqandliklar oxirgi marta uyda "Lokomotiv"ni 2:1 hisobida mag'lub etishgan, shundan beri Davron Fayziev shogirdlari "Bunyodkor"ga qarshi ikki marta, shuningdek "Lokomotiv", "Qo'qon-1912", "Qizilqum" jamoalariga qarshi maydonga tushib bu o'yinlarda ham imkoniyatni boy berishdi.
"Buxoro" esa oxirgi marta "Andijon" bilan kechgan uchrashuvda uch ochkoni qo'lga kiritgan. Ikkinchi davra boshlanganidan beri buxoroliklar hali g'olib chiqishgani yo'q. Bilasizmi? "Buxoro" qatorasiga beshta o'yindan beri safarda faqat mag'lubiyatga uchrab qaytmoqda. Bu jamoa shu paytgacha safarda bir marta zafar quchgan: Qo'qonda "Qo'qon-1912"ni 3:1 hisobida mag'lub etib qaytgan.
 Dinamo | Superliga. 18-tur 27/08/2019, 17:00 - : - Boshlanmadi |  Buxoro |
Bosh sahifaga
138
