Vatanimiz bosh jamoasining JCH-2022 saralash bosqichi doirasidagi ilk yurishi Falastinga qarshi kechadi. Safarda o'tadigan mazkur o'yinda saytimizning ikki nafar xodimi Gayrat Xasbiulin va Tolibjon Qosimov terma jamoa ishtirokidagi o'yinga oid barcha xabar va tafsilotlarni voqea joyidan yoritib boradi. SHuningdek, Iordaniyada o'tadigan Iroqqa qarshi o'rtoqlik uchrashuvda ham saytimiz vakillari jurnalist sifatida ishtirok etishadi.
SHuningdek, saytimizga nafaqat yurtdoshlarimiz, balki qo'shni davlatlar Tojikiston va Qirg'izistondan ham futbol muxlislari tashrif buyurishadi. SHu boisdan saytimiz xodimlari SHahboz Beg'amov va fotomuxbir Jahongir Fayzullaev Markaziy Osiyo derbisi, JCH-2022 saralash bosqichining "F" guruhidan o'rin olgan Tojikiston - Qirg'iziston uchrashuvida ishlashadi.
Markaziy Osiyo derbisi maqomidagi mazkur principial qarama-qarshilik muxlislarda katta qiziqish uyg'otmoqda. SHu tufayli qo'shnilarimizning o'zaro bellashuvini yoritib, o'yin atrofi va uchrashuv tafsilotlari haqida xabardor qilish maqsadida saytimiz xodimlari bo'lajak o'yin uchun akkreditaciyadan o'tishdi.
O'zbekistonlik mutaxassis Usmon Toshev boshqaruvidagi Tojikiston va rossiyalik murabbiy Aleksandr Krestinin boshchiligidagi Qirg'iziston terma jamoalarining mazkur bahsi qiziqarli va murosasiz o'tishiga shubha yo'q.
Ektor Kuper boshchiligidagi terma jamoamizning Falastinga qiladigan safari va Iordaniyada o'tadigan Iroqqa qarshi bahs esa haftaning eng muhim voqeasiga aylanadi.
Eslatib o'tamiz, O'zbekiston terma jamoasiga JCH-2022 Ikkinchi saralash bosqichi "D" guruhida Falastin, Saudiya Arabistoni, Yaman va Singapur raqiblik qiladi. Dastlabki turda Singapur Yamanni qabul qilsa, O'zbekiston Falastinga safar qiladi. Saudiya Arabistoni esa birinchi turda dam oladi. Ikkinchi turda esa vakillarimiz o'yin o'tkazishmaydi va oraliqdagi bo'sh oynani o'rtoqlik bellashuvi bilan to'ldirishadi. Falastindagi o'yindan keyin vakillarimiz o'sha erga yaqin bo'lgan Iordaniyada Iroq bilan o'rtoqlik uchrashuvini o'tkazadi.
FIFA kunlari munosabati bilan boshlanajak yangi mundialga ilk qadamlarni qo'yiladigan Qatar-2022 saralash bosqichi doirasidagi muhim bellashuvlarni saytimiz orqali kuzatishda davom eting! Biz esa Siz aziz futbol muxlislari voqea joyidan eksklyuziv malumotlar va "qaynoq" xabarlarni etkazib beramiz! Zero saytimiz faqat va faqat Siz aziz futbol ihlosmandlari uchun ishlaydi!
"Championat.asia" shiori: Orzu qiling, zavqlaning va bizni kuzating!
Bosh sahifaga
1266