Ushbu g'alaba Qo'qonliklar uchun muhim ahamiyat kasb etadi.
Sababi, “Qo'qon-1912” jamoasi kuchlilar safiga qaytganidan beri, aniqrog'i, 2015 yildan buyon “Ajdarlar”ni mag'lubiyatga uchrata olmayotgan edi. SHu davr mobaynida ushbu jamoalar milliy chempionat doirasida 12 ta uchrashuv o'tkazishdi. O'yinlarning 8 tasida Qarshiliklar g'alaba qozonishgan. Uchta bahsda durang natija qayd etilgan. Bitta o'yinda esa vakillarimizning qo'li baland kelgan.
Aytgancha, chempionat bahslari doirasida vakillarimiz “Nasaf”ni so'nggi bor 2003 yil 18 avgust sanasida Qo'qonda mag'lubiyatga uchratishgandi. Oradan 16 yil o'tib, uzoq kutilgan g'alaba qo'lga kiritildi. Ushbu vazifani Aziz To'xtaboev uddasidan chiqdi.
Bundan tashqari, futbolchilarimiz Liga kubogida ham “Nasaf”dan ustun kelishganini ham takidlash joiz.
Eslatib o'tamiz, milliy chempionat doirasida 2015 yildan buyon “Qo'qon-1912” jamoasi mag'lubiyatga uchrata olmayotgan ikkita klub qoldi – “Paxtakor” va “Lokomotiv”.
Bosh sahifaga
279