Malumki, saralashning ushbu bosqichida 40ta jamoa qatnashadi. Jamoalar beshtadan 8 guruhga bo'lingan. Guruh g'oliblari hamda eng yaxshi to'rtta ikkinchi o'rin egasi keyingi bosqichga yo'l olish bilan birga Osiyo Kubogi-2023 yo'llanmasini ham qo'lga kiritadi.
Quyida "B" guruhi jamoalariga to'xtatib o'tamiz. Bu guruhda Avstraliya, Iordaniya, Xitoy Taypeyi, Quvayt va Nepal o'zaro bahs olib boradi.
AVSTRALIYA
FIFA reytingidagi o'rni: 46
Osiyo Kubogidagi eng yaxshi natijasi: CHempion (2015)
Jahon chempionatidagi eng yaxshi natijasi: 1/8 final (2006)
Bosh murabbiy: Grexem Arnold (Avstraliya)
Avstraliya garchi JCH-2018da guruhdan chiqa olmagan hamda Osiyo Kubogida chorak finalda o'z yurishini to'xtatgan bo'lsa-da, baribir Osiyoning eng kuchli jamoalaridan biri hisoboanadi. SHubhasiz, Avstraliya terma jamoasi 2022 yil Qatarda bo'lib o'tadigan mundialga borish uchun eng asosiy nomzodlardan biri.
IORDANIYA
FIFA reytingidagi o'rni: 99
Osiyo Kubogidagi eng yaxshi natijasi: CHorak final (2004,2011)
Jahon chempionatidagi eng yaxshi natijasi: Hali chiqmagan
Bosh murabbiy: Vital Borkelmans (Belgiya)
Iordaniya Osiyo Kubogi-2019 guruh bosqichida Avstraliyani mag'lub etib o'ziga xos sensaciya ko'rsatdi. Jamoa bosh murabbiyi Vital Borkelmans jamoani shakllantirish ustida qattiq mehnat qilyapti.
XITOY TAYPEYI
FIFA reytingidagi o'rni: 125
Osiyo Kubogidagi eng yaxshi natijasi: 3-o'rin (1960)
Jahon chempionatidagi eng yaxshi natijasi: Hali chiqmagan
Bosh murabbiy: Luis Lankaster (Angliya)
Guruhda Xitoy Taypeyiga oson bo'lmaydi. Lekin shu yilning yanvar oyida terma jamoani qabul qilib olgan Luis Lankaster boshqacha fikrda. Angliyalik murabbiy o'z jamoasi bilan hech bo'lmasa Osiyo Kubogiga borishni maqsad qilgan.
QUVAYT
FIFA reytingidagi o'rni: 156
Osiyo Kubogidagi eng yaxshi natijasi: CHempion (1980)
Jahon chempionatidagi eng yaxshi natijasi: Guruh bosqichi (1982)
Bosh murabbiy: Romeo Yozak (Xorvatiya)
FIFAning diskvalifikaciya qarori tufayli Quvayt terma jamoasi malum muddat katta futboldan chetda qoldi. Endilikda bu jamoaga yana xalqaro maydonda to'p tepish imkoni berildi. Quvayt buyog'iga avvalgi mavqeini tiklashga harakat qiladi.
NEPAL
FIFA reytingidagi o'rni: 166
Osiyo Kubogidagi eng yaxshi natijasi: Hali qatnashmagan
Jahon chempionatidagi eng yaxshi natijasi: Hali chiqmagan
Bosh murabbiy: Yoxan Kalin (SHveciya)
Boshqalar qatori Nepal ham nimagadir erishishga umid qilmoqda. Bu jamoa asosan uy uchrashuvlarida ochko yig'ishga va shu orqali o'z muxlislarini xursand qilishga urinib ko'radi.
Sentyabr oyida bo'ladigan o'yinlar:
5 sentyabr
Xitoy Taypeyi - Iordaniya
Quvayt - Nepal
10 sentyabr
Quvayt - Avstraliya
Xitoy Taypeyi - Nepal
Bosh sahifaga
1737