OFK rasmiy sayti ikkinchi raundda bo'lib o'tadigan bazi uchrashuvlarga alohida ahamiyat qaratdi va kutilayotgan klassik to'qnashuvlar deb atadi. Mazkur bahslar orasida noyabr oyida bo'lib o'tadigan O'zbekiston - Saudiya Arabistoni qarama-qarshiligi ham keltirilgan.
5 sentyabr. Indoneziya - Malayziya
Yosh qo'shnilar bahsi. Ushbu uchrashuvni stadionda 90 mingga yaqin muxlis kuzatib borishi kutilyapti.
5 sentyabr. Tailand - Vetnam
Oxirgi ikki-uch yil ichida Tailand bilan Vetnamda futbol ancha rivojlandi. Bu jamoalar endilikda Osiyo Kubogida ham o'zlarini ko'rsatishga harakat qilyapti.
15 oktyabr. KXDR - Janubiy Koreya
SHimoliy va Janubiy Koreya o'zaro o'ynaganda odamlar ishqilib siyosiy tus berilmasin-da degan hadik bilan kuzatishadi. Oxirgi marta bu ikki jamoa JCH-2010 saralash bosqichida o'zaro to'qnash kelgan va o'shanda har ikki uchrashuv durang bilan yakuniga etgandi.
14 noyabr. Iordaniya - Avstraliya
Avstraliya terma jamoasi Osiyo Kubogi-2019da Iordaniyaga imkoniyatni boy berdi. Endi bu jamoalar JCH saralash bosqichida ham o'z kuchlarini sinovdan o'tkazib olishadi.
14 noyabr. O'zbekiston - Saudiya Arabistoni
14 noyabr kuni Toshkentda O'zbekiston - Saudiya Arabistoni bahsi bo'lib o'tadi. Har ikki jamoa yangi murabbiy qo'l ostida jahon chempionatiga chiqishga harakat qiladi. Qizig'i, ikkala mutaxassis ham Afrikada ishlagan va Afrika futbolini Osiyoga nisbatan birmuncha yaxshi biladi.
"Championat.asia"dan qo'shimcha:
O'ziga xos derbilar orasiga 5 sentyabr kuni bo'ladigan Tojikiston - Qirg'iziston bahsini ham qo'shsak bo'ladi. CHunki bu ham klassik to'qnashuvlardan biri hisoblanadi.
SHu kuni Usmon Toshev boshchiligidagi Tojikiston o'z maydonida Osiyo Kubogida shov-shuv ko'targan Qirg'izistonni qabul qiladi. Bu o'yinni saytimizning ikki nafar xodimi bevosita stadionda yoritib borishi esa biz uchun o'yinga bo'lgan qiziqishni yanada oshiradi.
Bosh sahifaga
222