Kecha odatga ko'ra o'yindan oldingi matbuot anjumani bo'lib o'tdi. Bu haqda Singapur futbol Associaciyasi rasmiy sayti xabar berdi. Unda Singapur bosh murabbiyi Tatsuma Yoshida hamda himoyachi Safuvan Baharudin o'z fikrlarini bildirishdi.
Tatsuma Yoshida, Singapur terma jamoasi bosh murabbiyi: "O'ylashimcha yigitlar o'yinga tayyor. Ularning imkoniyatlariga ishonaman. Nihoyat bugun barcha futbolchilar mashg'ulotda ishtirok etishdi. Bazi o'yinchilarning davolanishlari cho'zilib ketdi. Yamanning o'yinini ko'rib chiqdim. Ertaga bizni og'ir 90 daqiqa kutmoqda. G'alaba qozonish uchun yaxshi o'ynash kerak".
Safuvan Baharudin, Singapur terma jamoasi himoyachisi: "Biz tayyormiz. Bu men uchun uchinchi saralash bosqichi. Qiyin bo'lishi aniq, ammo terma jamoani yangi saviyaga ko'tarish va Osiyo Kubogiga yo'llanma olishni istaymiz. Bosh murabbiyimiz qo'l ostida nimagadir erisha olamiz deb o'ylayman. Muxlislar bizga bu borada yordam berishlariga umid qilamiz".
Eslatib o'tamiz, Singapur va Yaman terma jamoalari O'zbekiston bilan bir guruhdan joy olishgan. Guruhdoshlarimiz o'rtasidagi bugungi bahs Toshkent vaqti bilan soat 16:45da boshlanadi. Uchrashuvni Sport telekanali jonli efirda namoyish etishni rejalashtirgan.
Bosh sahifaga
243