Bahodir Ahmedov boshchiligidagi futzal bo'yicha O'zbekiston milliy terma jamoasi bugun start oladigan xalqaro musobaqada ishtirokini boshlaydi. 8 sentyabrga qadar davom etadigan mazkur musobaqada g'oliblik uchun Indoneziya, Xitoy Taypeyi hamda O'zbekiston terma jamoalari, shuningdek, Iroq terma jamoasi o'rniga qo'shilgan Malayziyaning KL Siti FK klublari bahs olib borishadi.
Kecha musobaqa oldidan matbuot anjumani bo'lib o'tdi. Unda Bahodir Ahmedov quyidagicha fikr bildirib o'tdi:
- Ayni paytda terma jamoamiz Osiyo chempionati-2020 saralash bahslariga tayyorgarlik olib bormoqda. Ushbu musobaqa oldidan Rossiyaning Nijniy Novgorod shahrida o'tkazilgan “CHkalov Kubogi”da ham ishtirok etdik. Mazkur ikki musobaqadan ko'zlangan asosiy maqsadimiz – tarkibimizdagi futbolchilarning harakatlarini ko'zdan kechirib, mavjud kamchiliklarni bilib olish va ularni bartaraf etish sanaladi. Saralash bahslariga xalqaro musobaqalardagi ishtirok orqali hozirlikni davom ettiryapmiz. Sekin-asta o'z o'yinimizni shakllantirib boryapmiz. Indoneziyada o'tadigan turnir davomida yaxshi o'yin namoyish etib, yakunda ijobiy natija qayd etishga harakat qilamiz, - dedi mutaxassis.
Musobaqa taqvimi:
6 sentyabr
08:00 KL Siti FK – O'zbekiston
7 sentyabr
12:00 Indoneziya – O'zbekiston
8 sentyabr
10:00 O'zbekiston – Xitoy Taypeyi
Bosh sahifaga
198