O'zbekiston U-16 – BAA U-16 o'yini oldidan matbuot anjumani o'tkaziladi

2019-09-06 14:40:01 / Kiritdi: BestMaster O'qilgan: 210

Joriy yilning 18-22 sentyabr kunlari Toshkentda o'tadigan Osiyo chempionati saralash bahslariga hozirlik olib borayotgan O'zbekiston U-16 terma jamoasi Toshkentda BAAlik tengqurlariga qarshi 2 ta o'rtoqlik o'yini o'tkazishi haqida xabar bergan edik.

Dastlabki o'yin 8 sentyabr kuni soat 16:30da TTYMI stadionida bo'lib o'tadi. Ikkinchi uchrashuv esa 11 sentyabr sanasida “Yakkasaroy” stadionida soat 16:00da o'tkaziladi.

Ertaga, 7 sentyabr kuni mazkur o'yinlar oldidan har ikki terma jamoa bosh murabbiylari ishtirokida matbuot anjumani o'tkaziladi. Dastlab soat 11:00da O'zbekiston U-16 terma jamoasi ustozi Azamat Abduraimov jurnalistlar savollariga javob bersa, soat 11:30da esa BAA U-16 terma jamoasi ustozi Majid Salim Obaid Kasin Alzaabi matbuot anjumanida qatnashadi. Matbuot anjumani O'FA anjumanlar zalida tashkil etiladi.

Barcha turdagi OAV vakillarini matbuot anjumaniga taklif etamiz.

Teglar: ozbekiston, u-16, u-16, oyini, oldidan, matbuot, anjumani, otkaziladi,
← Oldinga Orqaga →