Angliya-Bolgariya bellashuvida xet-trik qayd etgan Keyn terma jamoa to'prarlari ro'yxatida Jeffri Xerstni (24 gol) ortda qoldirib, 25 gol bilan yakka peshqadamga aylandi.
“SHu kabi hodisalar ro'y berganda sen o'zingdan faxrlanib ketasan. Bu mening tinimsiz mehnatim samara berayotganidan dalolatdir. Ammo bu bilan to'xtab qolmasdan, yana va yana o'z ustimda ishlab, gollar urib, muvaffaqiyatga erishish uchun harakat qilishim lozim. O'ylaymanki, hali ko'p yillar terma jamoa uchun gollar ura olaman. Albatta, individual ko'rsatkichlarni yangilash, yaxshilash – ijobiy holat. Ammo eng muhimi jamoaviy yutuq, sovrinlarni qo'lga kiritish. Angliya terma jamoasi esa anchadan buyon sovrin yuta olgani yo'q.
Jamoa sardori sifatida mening asosiy maqsadim – sovringa ega chiqish. Barcha jamoadoshlarim ham shu narsani istayotganini bilaman. Ammo biz 10, 15, 20 yildan buyon shu haqda gapirayapmizu, amalda hali hech narsani qo'lga kirita olganimiz yo'q”, deya Keynning so'zlaridan iqtibos keltirmoqda Daily Mail.
Bosh sahifaga
1897