"Bugun qanday o'ynaganimzni ko'rdingiz va bu muxlislarni qoniqtiradigan o'yin bo'lgani shubhasiz. Yigitlar bugungi uchrashuvda mamlakati uchun qanday kurashish kerakligini ko'rsatishdi. Muxlislar ko'p bo'lmagani odamni hafa qiladi, chunki shogirdlarim haqli g'alabaga erishishdi. O'yinni ko'rgan ishqibozlar esa juda mamnun bo'lishdi. Murabbiy sifatida ulardan qoniqdim. Mashg'ulotlarda qilingan barcha rejalar ish berdi va natija ham yaxshi bo'ldi", - deydi Drulovich.
- Markaziy hujumchi masalasida muammo bordek ko'rinmoqda. Mirjahon Mirahmadovdan boshqa unga o'rinbosar futbolchi topilmayapti. Superliganing yoshlar o'rtasidagi o'yinlarda selekciya ishlarini olib borish rejangiz bormi? Har holda Superligamizda bunday yoshdagi hujumchilar asosiy tarkibda deyarli yo'q...
- Bizda ajoyib raqobat bor. Mirjahondan boshqa, Bobir Abdixoliqov va Jasur Yaxshiboev ham markaziy hujumda o'ynay olishadi. Albatta, klub o'rinbosarlari o'rtasidagi o'yinlarni ham kuzatamiz. Jamoalarda sifatli forvardlar bo'lsa, albatta chaqiramiz. Afsuski, hozircha Bobir va Mirjahon darajasidagi hujumchilarni ko'rmadik.
- Bobir Abdixoliqovning jamoadagi roli qanday?
- U jamoamizning asosiy futbolchisi. Uni qaysi poziciyada o'ynatishimiz, kim bilan o'ynayotganimizga bog'liq. Bazida chap, bazida esa o'ng qanotda sinab ko'ryapmiz. U berilgan topshiriqlarni alo darajada uddalamoqda. Gollar urmoqda, to'pni yaxshi nazorat qiladi, raqib himoyachilarini o'zida ushlab turib, sheriklariga bosh zonalar yaratib beradi.
Bosh sahifaga
231