Husayn SHodiev: "Toshkent bizning Dushanbega o'xshar ekan"

"Bu so'nggi o'yinimiz edi va bahs hech narsani hal qilmasligini ikkala jamoa ham tushunib o'ynadi. Oxirgi daqiqalarda gol urib ketganimizdan mamnunman. Ko'plab o'yinchilarimiz ilk bora bunday katta turnirda qatnashishmoqda. Tajriba etishmasligi tufayli ko'plab vaziyatlarni qo'ldan boy berdik.

Toshkent bizning Dushanbega o'xshar ekan. Insonlari ham mehmondo'st. Mehmonxonadagi internet borasida kichik muammolar bo'ldi. Umuman olganda hammasi alo darajada. O'zbekistonga, Toshkentga va tashkilotchilarga barchasi uchun rahmat aytmoqchiman" - deydi Husayn SHodiev.