Marko Veratti: "ECHLda g'olib bo'lish qiyin, ammo PSJda shakllangan tarkib bor"

 - Oxirgi o'yinlardagi g'alabalar bizga kuchimizga bo'lgan ishonchni orttirdi. "CHelsi"ga qarshi bahsga yaxshi kayfiyatga tayyorgarlik ko'rmoqdamiz. Ushbu to'qnashuvni juda intizorlik bilan kutyapmiz. Ertangi o'yin har ikkala jamoa uchun juda muhim. To'qnashuv ikkita o'yinli bo'lgani bilan birinchi bahsda natija juda katta ahamiyatga ega. ECHLda g'oliblikni qo'lga kiritish qiyin, ammo PSJda shakllangan tarkib bor. SHu bois bu ishni uddalasa bo'ladi. PSJ bunga qodir. Lekin biz vaziyatlardan ilgarilab ketmoqchi emasmiz. Diqqatimizni "CHelsi" bilan bo'ladigan uchrashuvga qaratamiz. Boshqa narsalar haqida gapirishga hali erta.