"Double Pass" futbol klublari tuzilmasini o'rganib, klub, futbolchilar, jamoada faoliyat olib boradigan turli yo'nalishdagi mutaxassislar va akademiyalarning yanada rivojlanishi uchun yordam berib keladi. Uning mutaxassislari klublarda bo'lib, malum vaqt davomida butun tizimni o'rganib chiqishadi va ish qay darajada professional yo'lga qo'yilgani haqida o'z xulosalarini beradi. SHu tariqa klubimiz o'z faoliyatini yanada yaxshiroq yo'lga qo'yishi va nimalarga etibor berishi zarurligi haqida tushunchaga ega bo'ladi.
"Double Pass" kompaniyasining ikki nafar xodimi 5 kun mobaynida Toshkentda bo'lib, AGMK futbol klubini o'rganishadi. Ushbu kompaniya Germaniya bundesligasi hamda jahonga mashhur klublar bilan hamkorlik qiladi. Ayni damda kompaniya vakillari klubimiz faoliyatini chuqur o'rganish jarayonini davom ettirishmoqda. Har bir bo'lim xodimlari, shtab va futbolchilar bilan muloqot qilishmoqda. Izchil o'rganib, keyinchalik o'z dasturlariga muvofiq xulosalar taqdim etiladi va keyinchalik malum tariflar taklif etilib, klubimiz top darajaga chiqishi uchun kompaniya bevosita o'z yordamini ko'rsatadi.
Hozirda kompaniya asoschisi belgiyalik Van Xoeke va nemis mutaxassisi Mario Ximsl klubimiz faoliyatini o'rganish bilan band. Ayni damga qadar mutaxassislar OKMK sport majmuasida bo'lishdi, asosiy jamoa istiqomat qiladigan Do'rmondagi klub qarorgohi va mashg'ulotlar o'tadigan Qibraydagi asosiy maydonda bo'lishga ulgurishdi. SHuningdek, murabbiylar shtabi, rahbariyat hamda klub tuzilmasi bo'linmalari xodimlari bilan bevosita muloqotda bo'lib, ularning faoliyati bilan yaqindan tanishishdi. Endilikda kompaniya vakillari jamoamiz futbol maktabi va yaqinda qurilishi rejalashtirilayotgan akademiya loyihalari hamda yoshlar jamoamiz bilan tanishishadi.
Bosh sahifaga
2135