Barchangiz guvohiga aylandingiz, g'alaba qozonish bu safar ham nasib etmadi. Katta bosim ostida harakat qildik. Bugun o'yinda shogirdlarimga etirozim yo'q. Ko'rsatmalarimni bajarishga harakat qilishdi. Lekin, boshqa tarafdan olib qaraganda, g'alabaga loyiq o'yin namoyish etmadik. Ro'zim Ahmedovning birga-bir vaziyatga chiqib borganini hisobga olmaganda, gol urish uchun aytarli imkoniyat yaratmadik. Penalti haqida? Bu haqda men hech narsa demayman. Hakamlar harakatlarini kuzatib boradigan qo'mita bor. Bugungi raqibni qanday kuchga ega ekanliklarini barcha ko'rdi. Bunday asabiy o'yinda himoyada bexato harakat qilganimizgina meni quvontirdi.
- Natijadan qoniqdingizmi?
- Albatta, yo'q! “Navbahor” bilan o'yinni eslang va bugungi o'yinni qarang, bir xil reja, bir xil kurashlar. Aytishadik-u, kim xato qilsa va kim raqibini xato qilishga majburlay olsa o'sha g'alaba qozonadi deb. Umuman olganda, himoyada bexato harakat qildik. Bugungi raqibimizda birorta ham golga tortadigan vaziyat bo'lmadi. Ammo, raqibni xato qilishga majburlay olmadik. Men boshqacha yakun kutgandim. CHunki, biz o'yinga shunday tayyorgarlik ko'rgandik. Afsuski, biz aytgan reja amalga oshmadi.
- Bugungi hakamlarning harakatlariga qanday baho berasiz?
- Mening vazifam hakamlar harakatlarini baholash emas. Ularning o'zlarini qo'mitasi bor. Lekin, fikrimcha o'sha vaziyatda to'p himoyachining qo'liga tekkandek ko'rindi.
"Andijon" futbol klubi matbuot xizmati
Bosh sahifaga
824