- "Lokomotiv" uchun hamma o'yin qiyin kechyapti. Har bir jamoa bizga qarshi juda jiddiy qarshilik ko'rsatyapti. Bunda albatta o'zimiz aybdormiz chunki bugun zaxiradagi kuchlar bilan birga raqibni mag'lub eta olmadik. Jamoa birinchi bo'limda yomon o'ynamadi. Hisobda oldinga chiqib oldik va vaziyat nazoratimiz ostida edi.
Lekin ikkinchi bo'limda negadir o'zimizni yo'qotib qo'ydik. Bundan tashqari terma jamoalarga nomzod olti nafar futbolchimiz turlicha holatda etib kelishdi. Tanaffus paytida yigitlarga oxirigacha kurashish lozimligini uqtirdik, ammo barchasi biz o'ylagandek bo'lib chiqmadi. Afsuski, bugungi o'yinda qimmatli ochkolarni boy berdik. Bu o'yin bizga dars bo'ldi, lekin qo'lni ko'tarmaymiz va oxirigacha kurashamiz, - deydi Samvel Vyacheslavovich.
- Jamoa ikki hafta rasmiy uchrashuv o'tkazmasligi bunday o'yinlarda o'z tasirini ko'rsatadimi?
- Ko'rsatadi, albatta. Futbolchilar terma jamoalarga ketadi, klub qolgan o'yinchilar bilan mashg'ulotlarni davom ettiradi, tonus o'zgarib turadi. Avvalgi turda "Bunyodkor"ga qarshi yaxshi o'yin namoyish etgandik va balki tanaffus bo'lmaganida bugungi bellashuvda ham o'zimizni ko'rsata olardik.
- Bugungi o'yinda sizni eng ko'p xafa qilgan narsa nima?
- Ikkinchi taymda biz kurashlarni yutqazdik. O'yin paytida jamoa noto'g'ri pas berishi yoki darvozaga to'pni noto'g'ri yo'llashi mumkin. Hammasini tushunsa bo'ladi, faqat kurashlarda yutqazmaslik kerak. Men qo'l ostimdagi jamoa birinchi navbatda kurashda yutqazmasligini xohlayman.
Bosh sahifaga
267