“Nasaf” Coca-Cola Superligasi 20-turida Buxoroning “Buxoro” jamoasini qabul qiladi.
“Nasaf” – “Buxoro” uchrashuvi 22 sentyabr yakshanba kuni Qarshi “Markaziy” stadionida bo'lib o'tadi. Uchrashuv boshlanishidan oldin koncert dasturi rejalashtirilgan. Bellashuv soat 18:00 da boshlanadi.
O'zaro uchrashuvlar tarixidan
Mazkur klublar O'zbekiston chempionatida shu kungacha 43 bor kuch sinashishgan. Natijalar jamoamizning ustunligini ko'rsatmoqda. Bo'lib o'tgan 23 uchrashuvda “Nasaf”, 11 o'yinda esa “Buxoro” g'alabaga erishgan. 9 uchrashuvda tomonlar murosa ko'chasini tanlashgan. To'plar nisbati 73:41 ga teng. Ustunlik “ajdarlar” tarafida. O'zaro uchrashuvlarda qayd etilgan eng yuqori hisoblar quyidagicha: “Nasaf” – “Buxoro” 6:0, “Buxoro” – “Nasaf” 5:1. Jamoamiz so'nggi o'zaro uchrashuvni shu yilning 4 may kuni Buxoroda o'tkazgan. Bu uchrashuv 0:1 hisobida yakunlangan.
Qarshidagi o'zaro bahslarga oid
Jamoalar shu paytgacha Qarshida 21 bor kuch sinashishgan. 16 bellashuvda jamoamiz g'alaba qozongan. 5 uchrashuvda durang qayd etilgan. Darvozalarga jami 54 ta to'p kiritilgan. To'plar nisbati 44:10. Etiboringizga, Qarshida bo'lib o'tgan so'nggi besh uchrashuvning natijalarini havola qilamiz.
09.03.2018 Nasaf – Buxoro 3:1
09.03.2017 Nasaf – Buxoro 2:1
09.09.2016 Nasaf – Buxoro 3:0
22.08.2015 Nasaf – Buxoro 0:0
29.03.2014 Nasaf – Buxoro 3:0
 Nasaf | Superliga. 20-tur 22/09/2019, 18:00 - : - Boshlanmadi |  Buxoro |
Bosh sahifaga
1079