PSJ - CHelsi: kim g'alabaga munosibroq?

Jamoalar shu paytgacha 6 marta bir-birlariga ro'baro' kelishgan. Ushbu uchrashuvlarda jami 16 ta gol urilgan: har ikkala raqib hisobida bir xil - 8 tadan gol bor. Bugungi o'yin mazkur qarama-qarshilik silsilasining 9-bahsi sifatida tarixga muhrlanadi.

Eng qizig'i, ushbu jamoalar, mana, ketma-ket 3 yildirki, ECHLning qaysidir bosqichida bir-birlariga to'qnashishmoqda. 2013-2014-yilgi mavsumda klublar 1/chorak finalda o'ynashgan  va ikki o'yin natijasiga ko'ra umumiy hisob - 3:3 bo'lib, safarda urilgan gol evaziga “CHelsi” keyingi bosqichga chiqqan edi. O'tgan mavsumda esa yana shunday hisob qayd etildi, bu safar omad qushi “PSJ”ning boshiga qo'ndi.

Keling, jamoalarning milliy birinchilikdagi holatiga nazar tashlasak. Zero, bu ham bugungi muhim bahs oldidan tomonlarning imkoniyatlarini chamalashimizda qo'l keladi.

Franciya 1-ligasida “PSJ” 26 turdan so'ng 70 ochko (22 ta g'alaba, 4 ta durang, birorta ham mag'lubiyat yo'q!) bilan 1-o'rinda bormoqda. To'plar nisbati: 63–12.

Angliya Premer-ligasida “CHelsi” 26 turdan so'ng 33 ochko (8 ta g'alaba, 9 ta durang, 9 ta mag'lubiyat) bilan 12-o'rinda bormoqda. To'plar nisbati: 38–36.

Bu jihatdan “PSJ” yaqqol ustundek. Biroq ooxirgi turlarga nazar solsak, “PSJ” 12-o'rinda borayotgan “Lil” bilan durang (0:0) o'ynadi, “CHelsi” esa “Nyukasl Yunayted”ni tor-mor (5:1) keltirdi.

Davomi...