O'yindan keyin hindlar bosh murabbiyi Bibiano Fernandes quyidagi fikrlarni bildirdi.
- Biz saralash bosqichida ko'rsatgan barcha o'yinimizdan xursandmiz. SHogirdlarim uchta bahsda ham katta ishni bajarishdi va haqli ravishda U-16 Osiyo chempionati final bosqichiga chiqdik. Avvalgi musobaqada jahon chempionatiga chiqishga bir bahya qolgandi, o'ylaymanki keyingi yil buning uddasidan chiqib Osiyo chempionati orqali kichik mundialga boramiz.
- Jamoangiz faqat bugungi o'yinda gol o'tkazdi. Raqib haqida nima deya olasiz?
- O'zbekiston yaxshi o'yin ko'rsatdi va o'ylaymanki, jamoangiz Osiyo chempionatiga boradi.
- Hindiston yoshlar termasining muvaffaqiyat siri nimada?
- Buning sirini faqat bugun o'ynagan jamoadan qidirish kerak emas. Buning uchun tarixga qarash kerak bo'ladi. Oxirgi yillarda Hindiston futbolida katta o'zgarishlar ro'y berdi. Ayniqsa bolalar futboliga juda jiddiy etibor qarata boshladik. Yaxshi futbolchilar etishib chiqyapti. Bugungi yutug'imiz mevasi ham o'tmishda amalga oshirilgan ishlar natijasi deb bilaman.
- Hindistonda futbolga etibor qachondan o'zgardi?
- 2002 yildan tub burilish yuz berdi deya olaman. Bolalar futboli bo'yicha alohida dastur ishlab chiqdik va shunga ko'ra ishlashni yo'lga qo'ydik. Eng avval murabbiylarni o'qitishni boshladik. Keyin yaxshi bolalar etishib chiqdi.
- Bilamizki, Hindistonda kriket birinchi raqamli sport turi hisoblanadi. Futbolga etibor qanday?
- Bizda futbol oxirgi yillarda ancha rivojlandi. Ichki chempionat o'yinlarida stadionlar doim to'ladi. Xullas futbolga qiziqish kuchli. O'ylaymanki, bir kun kelib biz ham jahon chempionatiga chiqamiz. SHunday ishlashda davom etsak, albatta mundialga boramiz.
Bosh sahifaga
531