"Lokomotiv" yangi futbolchilarni 20 fevralda tanishtiradi

Bu vaqt oralig'ida ular Dubayda tashkil etilgan ikkita horij yig'inida ishtirok etishdi.

Ikkinchi yig'indan qaytib kelgan klub azolari “Al-Ittixod”ga qarshi jiddiy bellashuv qarshisida turishibdi. Hal qiluvchi tayyorgarlik oldidan murabbiylar shtabi futbolchilarga hordiq chiqarish hamda bo'sh vaqtlarini oila-azolari davrasida o'tkazish uchun sharoit yaratib berishga qaror qilishdi. SHu boisdan ham ular uchun uch kunlik tatil elon qilindi.

SHundan kelib chiqqan holda, yangi futbolchilarni tanishtiruv marosimi hamda muxlislar uchun ochiq eshiklar kunini avval xabar qilinganidek 18 fevral kuni emas, balki 20 fevral – shanba kunida o'tkazishga qaror qildik. OAV vakillari uchun tanishtiruv marosimi 11:00 da boshlansa, 11:30 dan boshlab muxlislar stadionga kiritiladi. Ular futbolchilar bilan uchrashish, “Lokomotiv” stadionida sayr qilish imkoniyatiga ega bo'lishadi.

“Lokomotiv” klubi vaqt masalasidagi o'zgarish uchun OAV hodimlari hamda futbol muxlislaridan uzr so'raydi. Umid qilamizki, bu yaxshilik uchun xizmat qilib, jamoamiz mavsumdagi birinchi uchrashuvni yorug' yuz bilan yakunlaydi.