Fellayni: "MYU "Midtyullan"ga qarshi bahsga yaxshi tayyorlanishi kerak"

"Raqib juda agressiv o'yin ko'rsatadi, chunki ular g'alaba qozonib, o'z jamoasi kuchliligini ko'rsatmoqchi bo'lishadi. Ammo "Manchester Yunayted" ham kuchli va tarkibida yuqori darajadagi futbolchilarga ega. Biz g'alaba qozona olamiz, ammo bu oson bo'lmaydi. Jamoamiz bu bahsga yaxshi tayyorgarlik ko'rishi kerak, chunki "Midtyullan" futbolchilari ushbu uchrashuvga qanday munosabatda bo'lishini hamma biladi.

Payshanba va yakshanba yoki dushanba kunlari o'ynasangiz, kuchingizni tiklash uchun vaqt juda kam ekanligini his qilasiz. Lekin biz Evropa ligasida bor kuchimizni ko'rsatib, chempion bo'lmoqchimiz. Xatolar kechirilmaydi va biz bu bahsga g'alaba niyatida chiqamiz. Jamoamiz barcha turnirlarda muvaffaqiyatli ishtirok etmoqchi" - deydi Fellayni.