Ro'ziqul Berdiev: "Bugun bizga omad kulib boqdi"

"Avvalo barchaga tabrig uchun rahmat. G'alabani asosiy omili va sababi bizga ozgina omad kulib boqqanida bo'ldi deb o'ylayman. Futbolchilarimiz bugun juda katta ishtiyoq bilan o'ynashdi va yakunda g'alabaga erishdik. Biz hali o'z o'yinimizni kuchaytirib borishimiz lozim. OCHL doirasidagi o'yinlarda biz bundanda kuchli jamoalar bilan duch kelamiz. SHerzod Azamov engil jarohat oldi va biz uni muhim o'yin oldidan asrash maqsadida zaxiraga oldik. Rahmatov ham bugun o'zini yaxshi tomonlama ko'rsatdi. Meni ko'proq tashvishlantirayotgan chiziq bu chap qanot himoyasi va hujum chizig'i. Sanjar Quvvatov O'zbekistondagi eng iqtidorli, yaxshi saviyadagi darvozabon hisoblanadi. Eldor Suyunov mamlakatimizdagi eng kuchli kiperlardan biri sananaladi. Uning iqtidoriga shubha yo'q. Bugun Quvvatovni asosiy tarkibga qo'yganim hech nimani anglatmaydi. Bizda ikkita yuqori saviyadagi darvozabonlar bor. Qaysi darvozabon o'yinga tayyor bo'lsa o'shani asosiy tarkibga qo'yamiz. Dilshod Rahmatullaev bugun yakka-kurashlarda faol harakat qildi. Jamoadoshlariga to'p uzatishda kichik xatolar bor. CHunki o'yin amaliyoti kam. O'yindan-o'yinga bu muammo bartaraf etiladi deb o'ylayman. Biz uchun eng muhimi bu g'alaba.  Bugungi g'alaba bilan barcha "Nasaf" muxlislarini tabriklayman", - dedi Ro'ziqul Berdiev.