Ushbu o'yindagi O'zbekiston terma jamoasi, Superliga klublari va legioner futbolchilarimiz ham mavjud. Etiboringizga legionerlarimizning ko'rsatkichlarini taqdim etamiz.
LEGIONERLAR
Odil Ahmedov - "SHanxay SIPG"dagi legionerimizning o'yinni avvalgi qismidagi ko'rsatkichi o'zgarmagan (78). Ahmedov bu borada "SHanxay SIPG"da uchinchi. Faqat Xalk va Oskarning raqamlari hamyurtimiznikidan baland.
Eldor SHomurodov - Rossiya Premer-ligasi to'purarlar poygasida etakchilik qilmoqda. Eldor PES2020 o'yinida ko'rsatkichlari bo'yicha "Rostov"da 10-o'rinda. PES yaratuvchilari SHomurodovning tezligini (100 ballik tizimda) 85 etib belgilagan.
Vitaliy Denisov - PES2020da o'zbekistonlik legionerlar reytingida uchinchi o'rinni egallab turibdi. Yozda "Krilya Sovetov" bilan ijara shartnomasini yakunlab, "Rubin" futbolchisiga aylangan hamyurtimizning o'yindagi ko'rsatkichi avvalgi yilgidan tushib ketdi.
Vadim Afonin - "Orenburg" sharafini himoya qilishda davom etmoqda. PESda uning ko'rsatkichi (100 ballik tizimda) 70.
Artyom Filiposyan - Tailandning "Prachuap" klubi himoyachisi hisoblanadi. Futbolchi O'zbekistonni tark etganidan so'ng unga bo'lgan qiziqish biroz so'ndi, ammo PES2020 o'yiniga Tailand ligasi qo'shildi va endi siz Artyom to'p tepadigan jamoani tanlab, raqiblaringizni mag'lub etishingiz mumkin.
Bosh sahifaga
1236