Saudiyaliklar birinchi o'yinda Yaman bilan 2:2 o'ynashdi. Bu esa tabiiyki yangi bosh murabbiyi Xerve Renarning jahlini chiqardi. CHunki ko'pchilik Saudiya Arabistonidan g'alaba kutgandi.
Natijada franciyalik murabbiy shu oyda bo'lib o'tadigan ikkita o'yinga Yamanga qarshi bahsni asosiy tarkibda boshlagan besh nafar futbolchini chaqirmadi. Bular - Abdulloh Al Mayuf, Hamdan Al SHamrani, Omar Xavsavi, Xolid Al Sumayri va Salim Al Dovsari.
Terma jamoaga chaqirilmasligidan xabar topgan Omar Xavsavi faoliyatini yakunlashga qaror qildi va buni Tvitter sahifasi orqali malum qildi. "Men terma jamoada o'tkazgan vaqtimni doim g'urur bilan yodga olaman", deb yozib qoldirdi. Malumot uchun, Omar Xavsavi ikkita Osiyo Kubogi, shuningdek o'tgan yil Rossiyada o'tkazilgan jahon chempionatida ishtirok etgan.
Saudiya Arabistoni terma jamoasi 10 oktyabr kuni o'z maydonida Singapurni qabul qilsa, 15 oktyabrda Falastin mehmoni bo'ladi.
Yig'inga chaqirilgan futbolchilar ro'yxati:
Darvozabonlar - Muhammad Al Ovais, Favaz Al Qarni, Amiin Boxari.
Himoyachilar - Ali Al Bulaihi, Abdulloh Madu, Ziyad Al Sahafi, Saud Abdulhamid, Yosir Al SHahrani, Hassan Tombakti, Muhammad Al Breyk, Abdulloh Al SHamex, Ali Lajami.
Yarim himoyachilar - Salman Al Faraj, Abdurahmon Al Dosari, Abdulloh Al Xaybari, Hattan Bahebri, Abdulfattoh Asiri, Abdulaziz Al Bishi, Abdulloh Otayf, Yahyo Al SHehri, Abdulloh Al Melki.
Hujumchilar - Firas Al Buraykan, Abdulloh Al Hamdan, Xarun Kamara.
Bosh sahifaga
397