Amin Ali Husayin: "O'zbekiston haqli g'alabaga erishdi"

Dastlab mehmonlar ustozi Amin Ali Husayin jurnalistlar savollariga javob berdi.

"Birinchi navbatda men O'zbekistonni g'alaba bilan tabriklayman. O'yin qiyin bo'lishini bilardik. Biz Osiyoning eng kuchli terma jamoalaridan biriga qarshi o'ynadik. Kecha ham aytgandim, Yamandagi og'ir vaziyat tufayli o'yinga etarli darajada tayyorlana olmadik. Bugun durangga erishmoqchi edik, agar standart vaziyat bo'lmaganida balki o'zimizga kerakli natijaga erisharmidik, afsuski mag'lubiyatga uchradik. Futbolda mag'lubiyatni ham tan olish kerak, yigitlarim mardonavor o'ynashdi. Keyingi o'yinlarda guruhdagi vaziyatni o'nglashga urinamiz", - deydi Amin Ali Husayin.

- Faqat gol o'tkazib yuborgandan keyingina jamoaingiz ko'proq hujumga o'tdingiz, nima uchun bu golga qadar qilinmadi?

- Bizning asosiy maqsadimiz himoyada o'ynash va durangga erishish edi. Gol o'tkazib yuborganimizdan so'ng qarshi hujumga o'tishga urindik. Bizda bitta imkoniyat bo'ldi.

- Bunga qadar jamoaingiz KXDR va Filippinga qarshi bahslarda ham yutqazgandi. Bugun ham mag'lubiyat. Uchta jamoani taqqoslab bera olasizmi?

- Uchala jamoaning ham kuchli jihatlari bor, uchala o'yin ham qiyin bo'ldi. KXDR, O'zbekiston va Filippin kuchli, Bahrayn bilan hali o'ynamadik, bu jamoa ham kuchli.

- Fikringizcha bugun O'zbekiston o'z imkoniyatni qanchalik namoyish eta oldi?

- Bugun tarkibimizda ilk bor maydonga tushgan futbolchilar bor edi. Bugungi o'yinda raqib g'alabaga haqli edi. O'zbekiston haqli tarzda g'alabaga erishdi.

Narzulla Saydullaev