“Al-Nasr” - “Bunyodkor” uchrashuvi hakamlari

“Qaldirg'ochlar” musobaqaning 1-turini Saudiya Arabistonining amaldagi chempioni “Al-Nasr” klubiga qarshi mehmonda o'tkazishadi.

Osiyo futbol konfederaciyasi “Al-Nasr” - “Bunyodkor” uchrashuvida xizmat qiluvchi hakamlar guruhini elon qildi. Unga ko'ra, bahsni Ko Xyung Jin boshchiligidagi Janubiy Koreyadan bo'lgan hakamlar guruhi boshqarib boradi.

Qayd etish kerakki, Ko Xyung Jin bungacha faoliyati mobaynida “qaldirg'ochlar” ishtirokidagi bitta uchrashuvda xizmat qilgan. Aniqrog'i, 2014 yilgi Osiyo CHempionlar ligasi guruh bosqichi doirasidagi “Bunyodkor” - “Al-Fateh” 3:2 (Saudiya Arabistoni) bahsini aynan ushbu referi boshqarib borgan.

Osiyo CHempionlar ligasi-2016
23 fevral, seshanba
Ar-Riyod. “Qirol Fahd” stadioni. Soat 22:15 (Toshkent vaqti)
“Al-NASR” (Saudiya Arabistoni) - “BUNYODKOR” (O'zbekiston)
Referi: Ko Xyung Jin
Referi assistenti 1: Bang Gi Yol
Referi assistenti 2: Park Sang Jun (uchalasi - Janubiy Koreya)
To'rtinchi hakam: Rovan Arumug'on (Xindiston)
Hakamlar eksperti: Jasim Muhammad Mahmud Abdulkarim (Bahrayn)
Uchrashuv komissari: Anvarul Huq (Bangladesh)