Quvonarlisi, O'zbekiston terma jamoasi navbatdagi turni yirik g'alaba bilan yakunladi. "Paxtakor" markaziy stadionida bo'lib o'tgan bahsda Yaman termasi 5:0 hisobida dog'da qoldirildi. Yigitlarga ajoyib o'yin uchun rahmat aytgan holda quyida boshqa guruhlardagi vaziyatga to'xtalib o'tamiz.
"A" guruhi - Xitoy, Suriya, Filippin, Maldiv, Guam.
O'z maydonida Guamni qabul qilgan Xitoy raqibiga hech qanday imkoniyat qoldirmadi. O'yinda Vuy Ley bilan Elkeson o'z hisobiga bittadan gol yozib qo'ygan bo'lsa, Yang Ksu 4ta gol urdi. Suriya esa Omar Al Somaning 2ta goli evaziga Maldivni mag'lub etdi.
3-tur. 10 oktyabr
Xitoy - Guam 7:0 (39,987 tomoshabin)
Suriya – Maldiv 2:1 (5,500 tomoshabin)
4-tur. 15 oktyabr
Filippin - Xitoy; Suriya - Guam
"B" guruhi - Avstraliya, Iordaniya, Xitoy Taypeyi, Quvayt, Nepal.
Iordaniya - Quvayt bahsida hisob ochilmadi. Avstraliya esa Nepal darvozasiga javobsiz beshta to'p kiritdi. Jeymi Maklaren o'z hisobiga xet-trik yozib qo'ydi. Guruhda kutilganidek Avstraliya peshqadamlik qilyapti.
3-tur. 10 oktyabr
Avstraliya - Nepal 5:0 (18,563 tomoshabin)
Iordaniya – Quvayt 0:0 (10,720 tomoshabin)
4-tur. 15 oktyabr
Xitoy Taypeyi - Avstraliya; Iordaniya - Nepal
"C" guruhi - Eron, Iroq, Bahrayn, Gonkong, Kambodja.
Eron "Ozodi" stadionida Kambodjani "yanchib" tashladi. Maydon egalari javobsiz 14ta gol urishdi. Uchrashuvda Karim Ansarifad to'rtta, Sardor Azmun uchta to'p kiritdi. Iroq esa Basrada Gonkongni 2:0 hisobida mag'lub etdi.
3-tur. 10 oktyabr
Eron - Kambodja 14:0 (15,823 tomoshabin)
Iroq – Gonkong 2:0 (32,340 tomoshabin)
4-tur. 15 oktyabr
Kambodja - Iroq; Bahrayn - Eron
"D" guruhi - Saudiya Arabistoni, O'zbekiston, Falastin, Yaman, Singapur.
O'zbekiston MTJ Yamanni yirik hisobda mag'lub etdi. Kecha "Paxtakor" markaziy stadioniga kelganlar chiroyli o'yin guvohi bo'lishdi. Guruhimizdagi ikkinchi o'yinda Saudiya Arabistoni Singapurga imkoniyat qoldirmadi.
3-tur. 10 oktyabr
O'zbekiston – Yaman 5:0 (28,571 tomoshabin)
Saudiya Arabistoni - Singapur 3:0 (14,560 tomoshabin)
4-tur. 15 oktyabr
Singapur - O'zbekiston; Yaman - Falastin
"E" guruhi - Bangladesh, Ummon, Hindiston, Afg'oniston, Qatar.
Amaldagi Osiyo chempioni avvalgi turda Hindiston bilan 0:0 o'ynagandi. Bu safar Bangladeshni 2:0 hisobida mag'lub etib qaytdi. Ummon esa o'z maydonida Afg'onistonga imkoniyat qoldirmadi.
3-tur. 10 oktyabr.
Bangladesh - Qatar 0:2 (24,570 tomoshabin)
Ummon – Afg'oniston 3:0 (10,000 tomoshabin)
4-tur. 15 oktyabr
Hindiston - Bangladesh; Qatar - Ummon
"F" guruhi - Yaponiya, Qirg'iziston, Tojikiston, Myanma, Mo'g'uliston.
Yon qo'shnimiz Qirg'iziston ham kecha yirik yirik hisobdagi g'alabani tantana qildi. Aleksandr Krestinin shogirdlari Myanma darvozasini etti bor ishg'ol qilishdi. Yaponiya esa Mo'g'ulistonni yirik hisobda mag'lub etdi.
3-tur, 10 oktyabr.
Yaponiya - Mo'g'uliston 6:0 (43,122 tomoshabin)
Qirg'iziston – Myanma 7:0 (13,000 tomoshabin)
4-tur. 15 oktyabr
Mo'g'uliston - Qirg'iziston; Tojikiston - Yaponiya
"G" guruhi - BAA, Vetnam, Tailand, Malayziya, Indoneziya.
BAA Indoneziyani mag'lub etgan o'yinda Ali Mabxut uchta gol urdi. Vetnam esa qiyinchilik bilan Malayziyadan ustun keldi. Guruhda BAA peshqadamlik qilyapti, lekin ikkinchi o'rin uchun kurash juda qizg'in kechmoqda.
3-tur, 10 oktyabr.
BAA - Indoneziya 5:0 (6,678 tomoshabin)
Vetnam – Malayziya 1:0 (38,256 tomoshabin)
4-tur. 15 oktyabr
Indoneziya - Vetnam; Tailand - BAA
"H" guruhi - Janubiy Koreya, Livan, KXDR, Turkmaniston, SHri Lanka.
Kutilganidek Janubiy Koreya SHri Lankani yirik hisobda mag'lub etdi. O'yinda Kim SHin Vuk to'rtta, Son Xyong Min esa ikkita gol urdi. Turkmaniston safarda Livanga yutqazib qo'ydi.
3-tur. 10 oktyabr
Janubiy Koreya - SHri Lanka 8:0 (23,522 tomoshabin)
Livan – Turkmaniston 2:1 (7,820 tomoshabin)
4-tur. 15 oktyabr
KXDR - Janubiy Koreya; SHri Lanka - Livan
P.S. Saralash bosqichida 40ta jamoa qatnashyapti. Musobaqa reglamentiga ko'ra, har bir guruh g'olibi (8ta) va eng yaxshi 4ta ikkinchi o'rin egasi (jami 12ta jamoa) keyingi bosqichga yo'l oladi. 3-turdan so'ng ikkinchi o'rinda borayotgan Suriya, Ummon, KXDR va Tojikiston eng yaxshi ko'rsatkichga ega bo'lib turishibdi.
Bosh sahifaga
1955