Angliya terma jamoasi Evropa chempionatiga chiqish masalasini kechiktirdi, Ukraina, Franciya va Portugaliya muhim g'alabalarga erishgani haqida qisqacha to'xtalib o'tamiz.
"A" guruhi
CHexiya - Angliya 2:1
Juma kuni Angliya Evro-2020 yo'llanmasini naqd qilishga yaqin edi, biroq bu voqea sodir bo'lmadi. Mehmonda o'ynagan inglizlar Garri Keynning penaltisi bilan hisobni ochishdi. Biroq ushbu gol CHexiyani sindirmadi va ular ingliz jamoasining saralashlardagi 43ta o'yindan iborat mag'lubiyatsiz seriyasiga nuqta qo'ya olishdi. O'rtadagi muvozanatni Yakub Brabec tikladi. Zaxiradan maydonga tushgan Zdenek Ondrashek o'yin yakunlanishiga 5 daqiqa qolganda Lukash Masopustning uzatmasini golga aylantirib, o'z jamoasiga g'alabani taqdim etdi.
CHernogoriya - Bolgariya 0:0
CHernogoriya va Bolgariyaning guruhdan chiqish umidlarini Podgoricadagi durang yo'qqa chiqardi. Mezbonlar birinchi bo'limda bir qator vaziyatlar yaratib, bolgariyaliklar posboni Plamena Ilievni ter to'kishga majbur qilishdi, biroq gol sodir bo'lmadi. Bolgariya terma jamoasida ham vaziyatlar bo'ldi. Ammo uchrashuv gollarsiz yakuniga etdi.
"B" guruhi
Portugaliya - Lyuksemburg 3:0
Evropaning amaldagi chempionilari ajoyib futbol namoyish etishdi va uchinchi o'rindagi Serbiyadan 4 ochkoga uzoqlashib olishdi. Bahs boshida hisobni Bernardu Silva ochdi. Tanaffusdan so'ng Krishtianu Ronaldu terma jamoadagi o'zining 94-golini urdi. O'yinga nuqtani Gonsalu Gedesh qo'ydi. Lyuksemburg guruhdan chiqish imkoniyatidan ayrildi.
Ukraina - Litva 2:0
Ukraina terma jamoasi litvaliklarni ishonchli hisobda mag'lub etib, "B" guruhi etakchiligini saqlab qolishdi. Ikkala golga Ruslan Malinovskiy mualliflik qildi. Hisob yirikroq ko'rinish olishi mumkin edi, ammo Taras Stepanenko va Andrey Yarmolenkolarning gollari darvoza ustuniga tegib qaytdi.
"H" guruhi
Islandiya - Franciya 0:1
Franciya ketma-ket to'rtinchi g'alabaga erishdi va uchinchi o'rindagi Islandiya bilan farqni olti ochkoga etkazdi. Uchrashuvdagi yagona gol 37-daqiqada Olive Jiru hisobiga yozildi. Jiru Antuan Grizmann ishlagan penaltini golga aylantirdi.
Turkiya - Albaniya 1:0
Turkiya terma jamoasi muhim bahsda albaniyaliklarni taslim etdi va ular ham Franciya kabi islandiyaliklardan 6 ochko uzoqlashib olishdi. Bahsdagi yagona gol so'nggi soniyalarda urildi. Jenk Tosunning zarbasi turklarga g'alaba olib keldi. Mehmonlar safida Rey Manay gol urishga yaqin edi, ammo u yaqin masofadan darvozani ishg'ol qila bilmadi.
Andorra - Moldova 1:0
Andorra terma jamoasi tarixiy g'alabaga erishdi. Ular Evropa chempionati saralashlarida o'zining dastlabki ochkolarini ishlab olishdi. G'alaba to'pi Mark Vales hisobiga yozildi. Moldovaliklar turnirning final bosqichiga chiqish imkoniyatidan ayrilishdi.
Bosh sahifaga
290