OCHL. 1-tur oldidan Saudiya klublari g'alaba qozona olishmadi

OCHL taqimiga ko'ra, O'zbekistonning har to'rttala klubi 1-turda Saudiya Arabistoni jamoalariga qarshi bahs olib boradi. Xususan "Lokomotiv" va "Paxtakor" o'z maydonlarida "Al Ittihod" va "Al Hilol"ni qabul qilishsa, "Bunyodkor" va "Nasaf" safarda mos ravishda "Al Nasr" hamda "Al Ahli"ga qarshi bahs olib borishadi.

"Lokomotiv"ning OCHLdagi raqibi "Al Ittihod" kecha Saudiya chempionatining navbatdagi tur uchrashuvida maydonga tushib, o'z maydonida "Quadisiya" bilan 1:1 hisobida durang o'ynadi. "Al Ittihod" tarkibida Abdulfattoh Asiri gol muallifi bo'ldi. "Paxtakor" raqibi "Al Hilol" esa safarda "Taavon" mehmoni bo'lib 0:1 hisobida yutqazib qo'ydi.

SHuningdek, bu turda "Al Nasr" bilan "Al Ahli" o'zaro bahs olib borishdi. Bu o'yinda ham 1:1 hisobida durang qayd etildi. Mazkur bellashuvda "Al Nasr"dan Markinos Gabriel va "Al Ahli"dan Markino gol urishdi. Saudiya chempionatining 17-tur uchrashuvlaridan so'ng "Al Hilol" 40 ochko bilan birinchi o'rinda boryapti. "Al Ahli" 39, "Al Ittihod" esa 36 ochko bilan ikkinchi-uchinchi o'rinlarni egallab turishibdi. 6-o'rinda borayotgan "Al Nasr" hisobida esa 23 ochko mavjud.