Quyida har bir guruhga to'xtalgan holda qanday o'yinlar kutayotganini keltirib o'tamiz.
"A" guruhi - Xitoy, Suriya, Filippin, Maldiv, Guam.
Dastlabki ikkita uchrashuvni g'alaba bilan yakunlagan Xitoy safarda Filippin mehmoni bo'ladi. Suriya esa Dubaydagi "Al Maktum" stadionida guruh autsayderi Guamni qabul qiladi.
17:00. Filippin - Xitoy
19:00. Suriya - Guam
"B" guruhi - Avstraliya, Iordaniya, Xitoy Taypeyi, Quvayt, Nepal.
Jahon chempionatiga chiqishga davogarlardan biri Avstraliya Xitoy Taypeyiga safar qiladi. Iordaniya esa Ammanda Nepalni qabul qiladi. Jamoalarni hozircha 1 ochko ajratib turibdi.
16:40. Xitoy Taypeyi - Avstraliya
21:00. Iordaniya - Nepal
"C" guruhi - Eron, Iroq, Bahrayn, Gonkong, Kambodja.
Albatta, guruhdagi asosiy bahs Bahrayn va Eron o'rtasida kechadi. Kambodja keyingi bosqichdan umid qilmasa ham bo'ladi, shunga qaramay bu jamoa o'z uyida Iroqdan ochko olishga harakat qilsa kerak.
16:30. Kambodja - Iroq
21:30. Bahrayn - Eron
"D" guruhi - Saudiya Arabistoni, O'zbekiston, Falastin, Yaman, Singapur.
Ertaga diqqat-etiborimiz birinchi navbatda O'zbekiston terma jamoasi ishtirokidagi o'yinga qaratiladi. Futbolchilarimiz Singapurga qarshi bahs olib borishadi. Guruhdagi ikkinchi o'yin Al Ram shahrida Falastin va Sudiya Arabistoni o'rtasida kechadi.
16:45. Singapur - O'zbekiston
18:00. Falastin - Saudiya Arabistoni
"E" guruhi - Bangladesh, Ummon, Hindiston, Afg'oniston, Qatar.
O'z maydonida Hindistonni enga olmagan Qatar bu safar Ummon bilan kuch sinashadi. Jamoalarni atigi bir ochko ajratib turibdi. Hindiston esa autsayder Bangladeshni qabul qiladi.
19:00. Hindiston - Bangladesh
21:30. Qatar - Ummon
"F" guruhi - Yaponiya, Qirg'iziston, Tojikiston, Myanma, Mo'g'uliston.
Yon qo'shnimiz Tojikiston ertaga Yaponiyaga qarshi maydonga tushadi. Dushanbeda nihoyatda qiziqarli bahs kechishi kutilyapti. Mo'g'uliston esa o'z maydonida Qirg'izistonni qabul qiladi. Har ikki jamoa hozircha 3 ochkodan to'plagan.
13:00. Mo'g'uliston - Qirg'iziston
17:15. Tojikiston - Yaponiya
"G" guruhi - BAA, Vetnam, Tailand, Malayziya, Indoneziya.
Safarda Malayziyani yutib qaytgan BAA Tailandga safar qiladi. Bu o'yinda BAA termasi ochko yo'qotishi mumkin, chunki Tailand o'z maydonida ancha kuchli o'yin namoyish etadi. Indoneziya esa Vetnam bilan bahs olib boradi.
16:30. Indoneziya - Vetnam
17:00. Tailand - BAA
"H" guruhi - Janubiy Koreya, Livan, KXDR, Turkmaniston, SHri Lanka.
Va nihoyat, oxirgi guruhda ikkita koreys jamoasi o'zaro bahs olib boradi. Bu ham o'ziga xos tarixiy ahamiyatga bo'lsa ajab emas. Hali birorta o'yinda ochko jamg'armagan SHri Lanka o'z uyida Livanni qabul qiladi.
13:30. KXDR - Janubiy Koreya
19:00. SHri Lanka - Livan
Eslatma: Saralash bosqichida 40ta jamoa qatnashyapti. Musobaqa reglamentiga ko'ra, har bir guruh g'olibi (8ta) va eng yaxshi 4ta ikkinchi o'rin egasi (jami 12ta jamoa) keyingi bosqichga yo'l oladi. 3-turdan so'ng ikkinchi o'rinda borayotgan Suriya, Ummon, KXDR va Tojikiston eng yaxshi ko'rsatkichga ega bo'lib turishibdi.
Bosh sahifaga
1684