Nguen Bao Kuan: “Eron bilan o'yinga 100 foiz tayyormiz”

Biz Vetnam terma jamoasi sardori Nguen Bao Kuan bilan ushbu o'yindan oldish suhbatlashdik.

-  Eron terma jamoasiga qarshi bugungi o'yin haqida qanday fikr bildirasiz?
-  Bugun biz juda kuchli raqibga qarshi maydonda harakat qilamiz. Avvalgi musobaqalarda ular bilan to'qnash kelganmiz afsuski o'sha o'yinda mag'lub bo'lganmiz. Bugun ular ustidan g'alaba qozonishga harakat qilamiz.

-  Eron terma jamoasi bilan to'qnash kelgansizlar. Ularning o'yin uslubi haqida qanday fikr bildirasiz?
-  Boshqa jamoalarga solishtirganda Eron xar taraflama yuqori darajada turadi. Biz ular bilan Braziliyada ko'rishganmiz. O'sha erda xalqaro o'rtoqlik uchrashuvida ularga qarshi maydonga chiqqanmiz. Oldingi holatiga qaraganda hozirgi Eron terma jamoasi juda kuchli hisoblanadi.

-  Bugungi o'yinga ruxan tayyormisizlar?
-  Xar tomonlama tayyormiz. Ammo bitta ikkita futzalchilarimiz jarohat olishgan. Lekin bu bizga g'alaba qozonishimizga halaqit bermaydi.

-  Darvozaboningiz kichik jarohat olgandi. Uning holati qay darajada?
-  Ha albatta, darvozabonimiz kichik jarohat olgandi lekin u bugungi o'yinga 100 foiz tayyor.

Jahongir Sotvoldiev suhbatlashdi.