- G'alaba va dubl bilan tabriklayman. Singapurga qarshi bahsda foydalana olmagan imkoniyatlaringiz gollaringizdan ko'proq bo'ldi...
- To'g'ri, o'yin taqdirini oldinroq hal qilishim mumkin edi, qo'ldan chiqargan imkoniyatlarim uchun jamoadan uzr so'rayman. Biroq har doim ham raqib darvozasini ishg'ol qila olmaysiz. Bor kuchim bilan harakat qildim, ammo nimadir etishmagandek bo'ldi.
- Bir vaziyatda himoyachidan qochib, darvozabonni ham aldab o'tdingiz, ammo bo'sh darvozani ishg'ol qila olmadingiz. Nima bo'ldi?
- To'g'risini aytsam, shoshib qoldim. Posbondan o'tganimdan so'ng ikki himoyachini ko'rdim va shu zahoti to'pni darvoza tomonga tepishga urindim. Zarba berayotganda to'p oyog'im ostida qolib ketgani tufayli gol ura olmadim.
- Eshitishimizcha, g'alabadan so'ng "Rostov" bosh murabbiyi Valeriy Karpin sizga qo'ng'iroq qilibdi. Klubdagi ustozingiz nimalar dedi?
- Murabbiy g'alaba va dublim bilan tabrikladi. Bundan tashqari qachon "Rostov" safiga qaytishimni so'radi. Ertaga Rossiyaga uchib ketaman.
- Singapur terma jamoasining kuchli jihatlari haqida gapirsangiz.
- Raqibimiz jamoaviy o'yinda yaxshi harakat qilar ekan, qo'rqmay pressing uyushtira oldi. Lekin vazifamiz jahon chempionatiga chiqish ekan, bunday jamoalarni taslim etishimiz shart.
Bosh sahifaga
273