- Dastlab Singapurga qarshi o'yin haqida fikr bildirsangiz.
- O'zbekiston terma jamoasi Singapur va Yaman kabi jamoalarni qiyinchiliksiz yutishi kerak. Lekin bugun biroz qiyin bo'ldi, chunki Singapur yaxshi o'yin namoyish etdi. Bundan tashqari bu erda namlik darajasi juda yuqori ekan.
- Singapur "Milliy stadioni"dagi atmosfera haqida nima deya olasiz?
- Raqibimizning stadioni chiroyli ekan. Muxlislari ham o'ziga xos. Singapurlik ishqibozlar xuddi evropaliklar kabi qo'shiqlar bilan o'z terma jamoasini qo'llab turdi. Lekin baribir bizning muxlislarga etmaydi.
- O'zbekiston terma jamoasi gol o'tkazib yuborgan vaziyatda nima bo'ldi?
- Birinchi bo'limning so'nggi soniyalari o'tayotgandi. Hammamiz birinchi bo'lim tugadi deb o'ylab, biroz ehtiyotkorlikni yo'qotdik. SHuni natijasida gol qo'yib yubordik. Avvaliga to'pga chiqmoqchi edim, biroq to'pga eta olishim aniq bo'lmagani tufayli darvozada qoldim. Darvozaning narigi burchagi tomon harakat qila boshladim, chunki raqib qaysi burchakka zarba berishini bilmaysiz. Gol urgan futbolchi harakatim yo'nalishiga qarshi zarba berdi, bor kuchim bilan sakradim, biroq to'pga biroz qo'lim etmay qoldi.
Bosh sahifaga
259