Jamoliddin SHaripov: “Muxlislarimizga katta rahmat”

Biz O'zbekiston terma jamoasi futzalchisi Jamoliddin SHaripovdan o'yindan oldin intervyu oldik.

-  Avvalambor JCHga chiqqaninglar bilan tabriklayman. Bugun Tailand terma jamoasiga qarshi yarim final bahsini o'tkazasizlar. O'yin haqida qanday fikr bildirasiz. Raqib jamoa o'yinini o'rganib chiqtinglarmi?
-  Tailand terma jamoasini yaxshi bilamiz. Murabbiyimiz Xose Mariya Mendez ushbu terma jamoada olti yil faoliyat olib borgan. Qanday o'yin namoyish etishadi, qanday kuchga ega, qaerda qanday harakat qiladi barchasini murabbiyimiz bizga o'rgatib kelyaptilar. Bizning bitta minus tarafimiz Tailand ham bizning murabbiyimizning o'yin uslubini yaxshi biladi. Ular bilan o'yinimiz bir biriga o'xshash deb o'layman. Ularning o'yin uslubini o'rganib chiqdik. Bugungi o'yinga barchamiz tayyormiz.

-  Bugungi o'yindan nimalarni kutyapsiz?
-  Menimcha yarim finalda hech qanday zerikarli o'yin bo'lmaydi. Bugun  jangovar ruhda o'ynaymiz. Muxlislarimizni oldida qarzdormiz desam ham bo'ladi. SHuning uchun bugungi o'yinda faqat g'alaba qozonish uchun maydonga chiqamiz. Muxlislarimizni oltinchi emas, balki ettinchi, sakkizinchi o'yinchi desak ham arziydi. Ular bizga ruhan dalda berishmoqda. Ular bizni qanchalik qo'llab – quvvatlab turishsa biz shunchalik chiroyli o'yin namoyish etamiz. Jamoadoshlarimiz bilan o'zaro kichik majlis o'tkazib bugungi o'yinga xar tomonlama tayyorlanyapmiz. Biz faqat muxlislar uchun maydonga chiqamiz va g'alaba qozonamiz.

Jahongir Sotvoldiev suhbatlashdi.